一覺瞓醒，你竟然同我講香港有喪屍？！: Zombie 100：新的目標.

不知道發生了什麼事，我好像暈倒過去，到我醒來已經接近旁晚。雯雯、家輝、小鳳和嘉琛全都躺在我身旁，而且身上的傷大多都痊癒了。
 
我因為疼痛而摸了一下額頭，才發現有一道淺淺的傷口。我急忙拍打身旁的眾人，但全都好像失去了意識般沉睡著。我立即伸手往他們的口袋搜索血清，但唯獨雯雯的卻不見蹤影，應該是在打鬥的時候弄不見吧。
 
我站起來跌跌撞撞地走進冰室，但卻不見一人，而眼下要做的就是把血清送進他們口裡，我立即從汽水櫃拿了兩瓶礦泉水便回到眾人處。
 
經過一番折騰，終於順利把血液灌進他們體內。血液接觸到血清的瞬間產生了化學反應，四人的身體開始抽搐，口裡更不斷吐出黃黃橙橙的泡沫。不出數分鐘，四人便相續甦醒過來。
 
「哥？」洛雯掩著嘴巴說。
 




「醒嗱？飲啖水沖吓個口，血清幫妳哋清番啲毒素出嚟喇。」
 
洛雯集中精神看著我「好似真係用唔到喇……我睇唔穿你個身裡面。」
 
「我好似都唔可以再變型……」不知何時坐起身來的小鳳附和道。
 
不出一會，所有人都已經坐起身來，用剩下來的礦泉水嗽口。
 
「其他人唔見晒嘅？Mayu呢？冰室啲人呢？」
 




「冰室啲人好似返咗屋企，Mayu……」嘉琛眼神閃縮，彷彿不想讓我知道來龍去脈。
 
「走咗！同何耀邦走咗！」小鳳語帶憂傷的低聲回應。
 
「哦……」我其實也猜得出來。
 
「哥啊！你仲乜嘢啫？你條女跟人走路呀！你點解仲可以咁冷靜坐喺度㗎？」
 
「雯雯！唔好噉喇，俾阿哥佢冷靜……」未等家輝把話說完，洛雯便怒罵「收聲啦！嗰個係我阿哥！」
 




「雯雯……唔好噉喇，家輝都係想俾阿龍少少時間抖吓啫……」嘉琛嘗試緩和氣氛。
 
「我家事又關妳咩事呀！」
 
「雯雯！阿哥知妳擔心，不過頭先究竟發生咩事？我斷晒片……不如講返俾我知，等我可以重組返件事先。」我輕輕摸著洛雯的頭說。
 
時間倒回五個小時前。
 
「你哋唔夠佢打㗎！」Mayu笑著說。下一秒，我就被阿木一拳打中太陽穴暈倒在地上。
 
「老公就拜託你哋喇！」Mayu向洛雯等人以九十度鞠躬留下這句話。
 
「Mayu！妳乜嘢意思呀！妳想掉低阿哥唔理呀？」洛雯本想衝上前抽起Mayu的衣領，但被小鳳制止了「唔好咁衝動，聽吓佢解釋先啦！」
 
Mayu只點了點頭以微笑作回應，並未打算再作解釋，之後便轉頭望向何耀邦「將你嘅手下集合！」




 
「邦哥、大佬……」阿東等人聞聲即時在何耀邦跟前一字排開，非常有秩序。
 
何耀邦看了一下阿東等人後，伸出右手示意「My Queen，我哋行得喇。」。
 
「阿木，食咗佢哋！」
 
聽到Mayu這句話，阿東等人立即擺出戰鬥姿態欲作反擊，豈料何耀邦先發制人，以迅雷不及掩耳的速度把四人的雙腳弄斷。由於看不到何耀邦是怎麼出手，家輝等人只能從四人那平整的傷口來判斷大概是被利器切斷的。
 
「睇唔到佢點出招？」我好奇一問。
 
「係！完全唔知佢幾時出手，定係佢根本無出過手……」家輝自知這回應有點像廢話，但他已經盡力去分析。
 
阿東嘗試用分身逃脫，但每次都莫名其妙地被切斷雙腳。
 




「邦哥！我係你兄弟呀！你就由得條女擺佈？佢玩你咋！邦哥，你先係最強，認清楚邊個先係你嘅人！醒吓啦……」還未等名東把話說完，他的頭已經在何耀邦的手上。
 
「My Queen，噉樣妳滿意啦？」何耀邦望向Mayu咧嘴笑道，再把阿東的頭拋向正在啃食Amy的阿木。
 
「係！」Mayu說。
 
「噉妳唧係願意跟我走？」何耀邦試探著。
 
「係！」Mayu再次坐到已經進化成完全體的阿木肩膀。
 
「完全體？」我瞪大雙眼望著家輝。
 
「嗯，Mayu的確係噉講，而且阿木睇上去同一個普通人無分別，已經唔可以再叫佢喪屍……」
 
「即係喪屍可以進化成新人類？」嘉琛忍不住好奇問道。




 
「應該唔係……你哋記唔記得阿東佢哋講過阿木嗰幾隻係特別啲，係何耀邦個咩實驗整出嚟嘅！」家輝回想後作出回應。
 
「噉唧係淨番Mayu、阿木同何耀邦三個一齊走？」我望向海邊思考著。
 
「唔係！仲有成班喪屍……」小鳳抱滕回應。
 
何耀邦見Mayu願意跟自己離開便想出手把我們殺死，但阿木卻阻止了這一切。成為完全體的阿木明顯比之前更加敏捷，力量爆發也高於先前的好幾倍，甚至更多。
 
「女皇嘅命令係保護呢幾個人，如果你再郁手，我就會殺咗你！」阿木按住何耀邦的胸膛說。
 
Mayu看了看兩人，再望向天空發出一聲尖銳剌耳的高音叫聲，不到幾秒的時間，整個長洲的喪屍排山倒海的湧到碼頭。
 
山上、巷子、建築裡和街上徘徊的喪屍全都跳進海裡，紛紛以雙手抓著前面那隻喪屍的腳仰天而看，築成一條喪屍橋，非常的壯觀，也非常的恐怖。
 




之後就是Mayu、阿木和何耀邦過橋的景象，而家輝等人最後的畫面則是Mayu回望後發出另一次的尖叫。
 
「係Mayu令我哋暈低，呢一點應該唔會錯！」身為Mayu最好朋友的小鳳掩著臉哭泣起來。
 
聽到這裡，我閉上雙眼嘗試找出一個可以追趕Mayu的方法，但問題是，我根本不知道她們去哪，所有喪屍都失去蹤影，我根本就毫無頭緒。
 
「啊——」我的頭突然痛得很厲害，是種撕心裂肺般的痛楚。
 
「哥？你對眼點解仲係紅色嘅？你冇食血清？」洛雯緊張問道。
 
「我……我整唔見咗……啊——」
 
「柯博士，我哋即刻返去搵柯博士拎血清。」嘉琛拉起我的手，示意其他人一起幫忙把我扶起。
 
我搖了搖頭「冇用㗎！我過咗時喇，就算有血清都醫唔返㗎喇。」
 
「唔會㗎！柯博士一定有辦法㗎！」嘉琛依然拉著我的手。
 
「無船點走？所有船都俾佢哋整壞晒，唔通游去咩？」小鳳失落地回應。
 
我忍著頭痛站起來擁抱洛雯「好好生活落去，等件事好啲，可以嘅話就返去睇吓阿媽阿爸。」我再望向家輝笑道「好好照顧雯雯，我當你一家人㗎啦！」
 
「阿龍……」嘉琛雙眼泛紅看著我。
 
「嘉琛，小鳳，妳兩個都要好好照顧自己。」
 
正當我準備向岸邊跑去，卻被嘉琛從後抱緊「阿龍……唔好走，一定有辦法㗎！」
 
我轉身欲把嘉琛推開，豈料她輕輕一跳給我送上一吻「我好中意你，我哋一齊諗辦法吖，好唔好？」
 
看著嘉琛那哭成淚人的模樣，我不禁心痛起來。心痛不是因為我愛她，而是我將會跟這幾個形同家人，一起出身入死的人分開。
 
「多謝妳，但係我愛嘅始終只有Mayu一個！」把嘉琛輕輕推開後，我一鼓作氣奔向岸邊跳進海裡。
 
離開長洲之後的一個月，我曾經回去鹽田梓找柯林，但不知道發生了什麼事，整個地下研究所遭到了嚴重的破壞。唯一慶幸的是，我並沒有找到任何的屍體。
 
回想起第一天發現喪屍到長洲最後一戰，其實都只不過是兩個月的時間，這種荒謬的事竟然真的發生在現實世界。
 
自從Mayu離開後，低等喪屍又再出現，臨時政府在事發後於十九區廣播命市民鎖在自家等待救援，當中亦有一部分人被解放軍帶到邊境地區逃難。
 
但時間一天一天地過，人始於需要吃物維生，受不了飢餓的人開始陸陸續續外出覓食，有的是為了醫療用品，甚至有的只是為了享受玩樂。
 
街頭上陸續出現殺人、強姦、搶劫等等的犯罪行為，而香港已經變成一個接近無政府狀態的城市，毫無秩序可言。
 
大陸見形勢變得一發不可收拾，漸漸地開始孤立香港，把香港拋棄且將所有邊境封死。即使還有大量的生還者，還是沒國家願意伸出緩手。而世界各國隨著時間的流逝，感染者的數量不但沒有被控制，反而愈來愈多。人類又再度分黨分派，世界分裂都只是遲早的問題。
 
現在來到二零二四年三月，喪屍病毒爆發後已經差不多一年。道德和論理在這個時勢根本就是垃圾，就算有一部分人尚有人性，失去它，也只是時間的問題罷了。
 
而我，仲搵緊Mayu，我相信總有一日可以搵返佢，仲有就係，我要親手殺死何耀邦！