一覺瞓醒，你竟然同我講香港有喪屍？！: Zombie 63：家輝嘅告白.

第二天一早，享用過早餐後，我們便跟隨高俊森跟其他生還者會合。經過一輪互相介紹，發現當中有好幾個是我小時候的鄰居，沒想到他們還住在這裡。
 
「估唔到你兩兄妹咁大個，以前都仲好似呢個小弟弟噉細細粒咁得意。」一個滿頭白髮的老人看著財福對我和洛雯笑道。
 
「孫伯伯，估唔到你同麥姨姨佢哋都仲住喺度，芬妹同宏仔佢哋呢？」洛雯打量著這兩家人的身後，卻未見兒時玩伴。
 
「我記得宏仔好似喺我哋搬走前就去咗美國讀書。」我嘗試憶起兒時記憶。
 
突然一雙手從我背後緊緊環抱著我「我都喺度呀！浩龍哥哥。」
 




受驚嚇的我立即轉身，本能下想抽出背後的軍刀，但卻被眼前這個有點熟悉的面孔震撼到。眼前這個長髮女生，擁有一雙勾引人的新月型眼睛，那種看似在笑的雙眼，高高的鼻子，瓜子臉，有點突出的傲人身材，加上甜美的聲音。
 
是她！是那個我小時候曾經暗戀過的小女生，是孫伯伯家的孫女「孫麗怡？」
 
「嗯！好耐冇見！仲有雯雯，我都好掛住妳呀！見返你哋真係好。」孫麗怡走到洛雯身旁同樣給她一個非常熱情的擁抱。
 
「宏仔同芬妹呢？」我轉向站在一旁的麥姨姨問道。
 
「佢兩個冇返嚟囉，我同沾伯伯本來仲諗住下個月放假去美國探佢哋，點知就發生啲噉嘅事，你哋爸爸媽媽點呀？」
 




在一陣寒暄過後，這六家人裡，就我所認識的孫伯伯和孫麗怡一家；麥姨姨和沾伯伯一家以外；姓林的一家三口；姓烏的中年夫婦；姓蕭的老年夫婦和退休警司的姓彭兩夫婦都是第一次見面。
 
放眼望去，這六家人就老年人佔超過一半，除了孫麗怡和一個看似跟財福同年的小男生外，就剩兩對中年夫婦。論戰力和體力一定是我們這一邊佔起碼八成，加上我們都已經跟那麼多喪屍和新人類交戰過，經驗應該比退休警司還要豐富。
 
「請大家聽我講一講得嗎？」我拍著手示意大家安靜下來。「我哋呢邊全員唔贊成圍封。」
 
大家聽到我這樣一說，便開始你一言，我一語互相交頭接耳，似是要派那個退休警司上前跟我對質，但未等他們討論完，我再次開口。
 
「原因有兩個！第一，得一個出口，我哋會變成困獸鬥；第二，太過顯眼，如果你係新人類，你會唔會入嚟睇吓有冇人吖？」
 




看著他們各人擔憂的神情，很明顯知道他們並沒有想過這一點。
 
「噉我哋可以點呀，龍仔？」孫伯伯問道。
 
「我……唔知，保持而家噉可能係最好嘅做法，低調啲對大家都有好處，同埋圍封時搭棚嘅聲可能會引埋啲喪屍嚟。」
 
「喂！你哋一返嚟就阿支阿左講一大堆嘢嚟反對，係咪想累死大家先安樂吖？」高俊森指著我口沬橫飛斥責道
 
「浩龍哥哥講得啱，你哋睇吓佢哋就知道，邊似我哋一樣武器都冇就行出嚟！」孫麗怡打量著我們各人身上的軍刀附和道。
 
「我可唔可以問你哋去過邊同做過咩？」退休警司彭伯問。
 
我們換了個地方去彭伯的家，始終站在開放的別墅車道還是有點危險，容易被外來者發現。，除了血清和屍化液絕口不提外，我將大概的經歷簡單地說明， 大致講述我們遇到肥陳那班新人類和街上跟喪屍打鬥的事。
 
「你講咩都得㗎啦，我夠話你係新人類嘅臥底咯！」高俊森咄咄逼人地指責我。




 
「噉得喇，你哋繼續圍封，我哋都唔打攪喇！」
 
我慾起身離開的瞬間，彭伯卻伸手示意我坐下。
 
「我其實都覺得阿龍仔講得冇錯，我連所有舊伙計都聯絡唔到就知道出咗事，佢哋之前每個禮拜都會入嚟玩，就個幾月前忽然一個都聯絡唔到……」彭伯緊繃的眉頭，令他的臉看起來更為憔悴。
 
「其實警……」嘉琛本想提及警局全滅的事，卻被我搖頭制止。
 
「你哋係咪知道啲咩？」沾伯伯緊張問道。
 
「冇，我哋其實都想知道噉多警察死晒去邊啫！」小鳳瞪著彭伯說，很顯然想從他身上套出什麼。
 
「你……你……你噉樣同警司講嘢，信唔信我……」
 




未等高俊森繼續說，家輝一腳把他踢飛到牆角處，然後裝著若無其事坐下來，語帶挑釁地笑著問「彭伯，我都想知點解政府唔派人出嚟？身為退休警司嘅你應該都知道一啲內幕先係㗎！」
 
「我唔知你講咩！我都退咗休，仲點會清楚內部發生啲咩先得㗎，況且國家點樣做，我呢啲小角色又可以做到啲咩呢？」
 
「韋‧安迪‧福特，Will Andy Ford！呢個名你應該唔陌生，My Father！我記得四年前你喺軍議上面出現過！彭玉榮指揮官！」
 
「你呢個𡃁仔點會係Andy個仔！我記得佢個仔係金髮嘅，仲要好金果隻！」
 
「彭伯！染髮！仲有呢個！」家輝從皮包拿出了一枚徽章，一枚印有一隻血紅色獵豹的絲質徽章。
 
「Death Cheetah……美軍最強部隊……」彭伯捂著心口，彷彿心臟突然發出了疼痛的警報。
 
「彭玉榮指揮官！我以副司令嘅身份命令你將知道嘅所有事向我報告！」
 
此刻的家輝給我們一種非常陌生的感覺，雖然他已經向我們坦白了一切，但這種威嚴真的不是每個人都可以擁有。而且我萬萬沒有想到這個彭伯也是秘密軍事會議中的一員，香港警察和美軍到底在背後做著什麼的事，我已經猜不到了，更不想去猜。




 
「對唔住！副司令，我真係唔知，我只係知道當時政府將所有市民撤走去大陸嗰邊，但係唔知點解，去到一半突然停咗，之後嘅事我真係唔知，我都等梗政府接我走。」
 
這樣算是解釋到為什麼大半個香港連人都沒有，但其實大陸派軍隊過來將新人類解決不是就可以了事了嗎？關於這一點我怎樣想也想不通。
 
「噉點解解放軍唔嚟？」沉默良久的烏先生突然問道。
 
「……死……聽講死咗好多，唔會再嚟，而且上面都有新人類……」彭伯見隱瞞不了，嘆了口氣後才將事情娓娓道出。
 
見眾人滿臉期待等著彭伯的消息，彭伯慌張地揮著手「我真係唔知喇！我用無線電偷聽㗎咋，對面慘叫之後就冇晒Signal喇！我真係淨係知道咁多咋！」
 
怎樣也好，起碼得到了更多資料，也知道了我們不會有救援這個事實！但我總覺得政府沒可能就這樣放棄香港這個國際都市，只是現在什麼消息也沒有，很難不往壞處想。