一覺瞓醒，你竟然同我講香港有喪屍？！: Zombie 43：西貢.

穿過東區海底隧道，我們停在一個標示著「藍田及鯉魚門」的路標下繼續之前的問題。為了更進一步了解事情的真相，我和嘉琛在車上已經得出一個結論。
 
「高俊森，我唔知點解區區一個區議員可以知道成件事係點發生，我哋相唔過你！」我直話直說。
 
「都啱嘅，我都知齋講冇證據好難令你哋信我，我播條片俾你哋睇吓先啦，你哋睇完再決定。」
 
高俊森拿出手機，向我們展示出一段較早前偷拍的影片。影片中可以清楚看到香港一眾高官出現在一個看似飯局的會場，這當中也包括了身旁的高俊森。當天，這些官員討論著世界各地發生中的人食人事件，而香港首宗正正就是從政府總部發生的，網路上的消息也早已被封鎖，因此消息才沒有被外界得知。
 
「即係你有份令到香港變成噉啦！」我一手抓住高俊森的衣領大聲喝道。
 




「我只係聽上頭Order咋！況且我都只係個小職員，咩都做唔到，我哋都係被命令唔可以將件事傳出去咋。」
 
高俊森顯然害怕極了，從他畏首畏尾的舉動，便可以知道他真的只是個嘍囉而已，估計再問下去也問不出個什麼。
 
「你阿頭呢？特首嗰班人呢？」
 
「死……死晒喇……」
 
「噉點死吖？你可唔可以一次過講晒你知嘅嘢出嚟，唔好等我問你先講得唔得啫？」
 




「咪俾喪屍咬死囉……你要我講咩先得㗎？都死晒啦！」
 
我不知道為何對著這種人會莫名的感到火大，不自覺的說出了被嘉琛取笑的話。
 
「高俊！高俊！剩係周潤發先可以叫『高進』！你以後叫低俊喇！」
 
就是這句話，我被她整整笑了最少半天。而高俊森在我倆的同意下，允許他開著自己的客貨車跟隨，就這樣，我們一路開往西貢。
 
我們沿路上有停下來補一下物資和休息，雖然路程不遠，大概半個小時而已。我卻感到十分疲累，可能是吸入濃煙的副作用還未散去，又有可能是我精神過度繃緊所導致，總之我的眼皮快要合起來了。
 




「浩龍，你瞓一陣先啦，反正都已經到咗西貢，瞓醒再去搵別墅。」
 
在嘉琛的提議下，我決定再睡一下，我把車門全鎖上，提防著這個還不熟悉的政府人員。
 
另一方面，家輝等人已經到達西貢，把船停在大網仔訓練基地的私人碼頭。船艙內的成員依舊沒辦法提起精神，氣氛都顯得死氣沉沉毫無生氣。
 
雖然士氣低落，但洛雯為了財福這個小孩，還是動身去弄了晚餐。眾人坐在餐桌前低頭吃著自己的份，完全沒有想過要溝通。
 
「夠喇！你哋一個二個要低落到咩時候呀？你哋覺得阿昌知道你哋係噉擺起個死人樣會開心咩？」洛雯終於忍不住責備著眾人。
 
「姐姐，對唔住！」財福第一個開口說話打破了沉默的氣氛。
 
「雯雯，對唔住！」家輝說。
 
「Sorry！」Mayu跟小鳳亦跟著道歉。




 
「我唔係想怪你哋，只不過我哋唔可以噉樣，唔可以令阿昌白白犧牲，我哋仲要將隻USB交俾福仔爸爸個朋友。」洛雯輕輕撫摸著財福的頭。
 
「噉食完飯之後，我試吓打開隻手指睇吓裡面有冇啲有用嘅資料。」家輝說。
 
「我記得以前住嗰度好近大網仔訓練基地，大概行十零分鐘左右就到。」洛雯邊說邊順勢把一片罐頭鰻魚放入嘴裡。
 
「會唔會係The Capri？」
 
「係啩？點解你會知嘅？我又冇講過俾你知！」
 
「因為十幾分鐘嘅路程係得The Capri同環翠居，佢哋中間仲有個燒烤場。」
 
經家輝一說，Mayu突然站起身指著前方
 




「我記得老公帶我去過BBQ，佢話住右邊啲屋㗎！」
 
「又好似係，因為係放假先會去住，而且都係老竇揸車，所以我都唔係好記得附近係點，去到應該會記得返。」洛雯感到有點羞愧。
 
「天都黑晒，我哋休息一晚聽朝去搵啦。」家輝說。
 
晚飯過後，大家圍著家輝，希望同一時間知道有關USB的內容。USB記載的資料除了說明喪屍的成因以及已知的事項外，還有一個上鎖的資料夾。
 
「呢個Folder要密碼，破解需要啲時間。」家輝在電腦輸入著一大串電腦語法。
 
「試下四條一。」洛雯提議。
 
「邊有咁易吖。」
 
果不其然，大家連財福一家人的生日都試過，除了等破解外，根本沒可能得知密碼。




 
「二四八六，密碼。」小鳳突然開口說。
 
Mayu按照小鳳說出的數字輸入，資料夾真的解鎖了，但裡面是一堆寫著亂碼的文件檔，根本沒辦法理解裡面的內容。
 
「小鳳，點解妳會……」洛雯望向坐在後方的小鳳問道。
 
「阿昌話我知，我錫佢嗰時佢講咗呢啲數字出嚟，我都係估估吓，都唔知原來係密碼嚟。」
 
「識唔識睇呀？」Mayu問家輝。
 
「我都唔知係咩嚟，俾我研究吓。」
 
「將佢Copy落陪電腦先，Backup好重要！」洛雯叮囑道。
 




既然一時三刻破解不了文件的內容，唯有各自休息，養精蓄銳等待明天的到來。
 
「浩龍，醒吓！我哋仲係快啲出發去目的地先啦！個天就嚟黑晒喇！」
 
我睜開雙眼，九龍灣公園單車場，這就是我被嘉琛勸說停下來休息的地點。淡黃色和淺白色的街燈已經亮起，我看了看車上的時鍾，已經傍晚六點多了，我喝了口水再下車走向停泊在身後的小型貨車處。
 
「咯咯！」
 
小型貨車的車窗緩緩落下，一股白茫茫的濃煙頓時從車內擴散開來。
 
「咳咳，你條友喺架車度吸毒呀？咁大煙嘅？」
 
「電子煙啫，我喺架車度搵到，諗住試吓，人一世物一世，咩都要試吓吖嘛！」高俊森嬉皮笑臉說道，還把電子煙遞上。
 
「留返你自己吸啦，我哋要出發喇，跟緊啲，記住唔好再響銨！」
 
我們一路開車到西貢海濱長廊旁的露天停車場停下，我嘗試去回想當時父親開車的路線。我們一家通常會在停車場下車，再慢慢走到海鮮街吃海鮮，之後去街市買菜再去別墅。只要一有假期，我們一家都會去別墅過夜，一定少不了燒烤、爬山和游泳。
 
「我記得附近有個燒烤場，幾年前同Mayu去過，間別墅就喺右手邊。」
 
「噉你即係知喺邊啦！又話唔識去……」嘉琛揶揄道，露出一副好像我沒事找事做的表情。
 
「嗰時我未考車牌，係個朋友車我哋去，而且嗰陣時又係天黑。」
 
「係咪大網仔燒烤場？」高俊森想了想問道。
 
「係！就係呢個地方喇。」
 
「噉你跟我車啦，我識去，之前呢區個區議員住嗰頭，右手邊係The Capri，係啲兩層屋，仲有泳池幾靚㗎。」高俊森講得好像自己就住在那邊一樣。
 
「The Capri……The Capri……兩層有泳池，就係呢度喇，自從讀完書就冇再去過，之後老竇同阿媽話要移民先賣咗。」
 
「噉仲等咩？上車啦！」高俊森催促道。