一覺瞓醒，你竟然同我講香港有喪屍？！: Zombie 22：噉都唔死？

我和家輝互望了一下，在家輝把腳縮回去的同時，我用刀把殺人犯的雙手斬下。
 
「睇吓邊個死先？」我挑釁道。
 
「一定係你！嘻嘻……哈哈哈……」殺人犯瘋狂舞動著身子準備朝我衝過來。
 
「屌！痴𨶙線！」
 
在殺人犯衝上來的一刻，我看準他的脖子一刀揮過去，殺人犯的頭顱應聲倒地，「啪嗒！」一聲滾到我的腳邊。
 




「冇事吖嗎？隻腳有冇受傷？」
 
「好彩冇！」家輝拉高褲管檢查著。
 
我倆合力把殺人犯的身體推進大海，接著準備把他的頭用《足球小將》裡的大空翼的其中一個絕招「衝力射球」踢飛到遠處。
 
「等陣呀！」殺人犯的頭顱傳出了聲音。
 
「……有乜可能你仲未死？」家輝看著地上的頭顱懷疑著自己的認知。
 




「我哋『新人類』無嘢係冇可能嘅，嘻嘻嘻嘻……」殺人犯用著電影《娃鬼回魂》裡Chucky的獨有笑聲嬉笑著。
 
「笑乜啫？你得個頭有咩用呢？」我蹲下來望著地上歪倒的頭顱問道。
 
「我哋一定會將你班舊人……喂！喂！你拎我去邊呀？放低我呀！喂！」
 
未等殺人犯講完，我一把抓住他的頭髮將他放到一張小椅子上。
 
「嗱！一齊坐低先講，我有好多嘢想問你。」
 




我把駕駛室座椅下的工具箱拿到他面前，把錘子、螺絲起子、扳手和一堆釘子放到他的眼前。
 
「阿妹，妳哋同阿昌去樓下間房先，我同家輝有啲重要嘢做。」我吩咐著女生和阿昌。
 
四人應該意識到我們接下來的舉動，飛快走進船內的套房。
 
我的雙手其實還在抖動，殺喪屍跟殺人的區別原來真的不一樣，我並沒有感到興奮，反而有一種害怕和內疚感，更伴隨著一種罪惡感。我並沒有打算真的對這個頭顱行刑，充其量只是嚇嚇他或是打他一下，但事實並不允許我當個善良的人。
 
「你叫咩名呀？點解會叫自己『新人類』？你哋究竟想將香港變成點？」我一口氣先把重點提出。
 
眼看時間一分一秒的過。殺人犯還沒有想要跟我們溝通的意願，家輝拿起一根釘子把它釘在殺人犯的右臉上。看得出來殺人犯其實是有痛覺的，但他就是不願意開口講話。一根，兩根，五根釘子了，殺人犯終於受不了開口說話。
 
「阿強！我叫阿強，我只係啲低級人員，聽大佬吩咐殺人咋，我咩都唔知㗎！」阿強帶著滿口血水的說道。
 
「唔知你又跟住殺！」我一個巴掌打在阿強的左臉上。




 
「屌！我唔殺人就俾人殺㗎啦，點都係人哋死好過自己死先啦，吓話？」阿強的話亦不無道理。
 
「我都已經走開啦，你仲追上嚟做乜啫？」家輝露出不解的神情。
 
「你老母！我屙𨶙完尿出嚟就俾你兜口兜面打落嚟，我梗係追𨶙住你啦！」阿強罵道。
 
「當時我冇得揀……」家輝對我解釋。
 
聽到阿強的謾罵，我即時對家輝露出一雙死魚眼，瞬間搞懂了事情的來龍去脈。但既然已經米已成炊，我也不想多說，繼續向阿強套出一切他所知的。
 
「好喇！阿強，我哋好好傾吓，我幫你抆返啲釘出嚟呀吓。」我好聲好氣地說。
 
「抆！抆你老味呀！抆走啲釘我咪噴血囉！有冇相識㗎你？枉你睇落都係讀書人，呢啲基本嘢都唔知！吔屎啦你！」
 




正所謂「佛都有火」，我好好地對你，你就一直罵！我拿起一根釘子釘到他的上唇，好讓阿強可以清楚知道現時誰才是他的老大。
 
「咁多嘢講就快啲話我哋知，你啲『新人類』有咩弱點？」我拿起錘子恐嚇道。
 
「咪講咗囉！我哋咁勁邊有弱點㗎！你哋啲『舊人類』好快會俾我哋取代。」阿強囂張的說著。
 
「哎吔！仲咁串！你邊有講過呀？」家輝作勢拿起鉗子放到阿強的耳邊。
 
「我講咗啦，我只係啲低級人員，聽大佬吩咐咋，我鬼知咁多佢哋啲嘢啫，我只係知道上面有幾個可以一打百。」
 
「八個人濕濕碎啦！」家輝揶揄道。
 
「係一百個！甚至可能更多！」
 
從阿強堅定的眼神，我可以清楚知道他所說的是真話，而我亦相信這個消息，從長洲時我就覺得會有更厲害的怪物會出現。




 
「所以啲喪屍係你哋造出嚟嘅？」我吞了吞口水問道。
 
「唔知呀！嗰日我一起身去返工，個香港就變成噉喇。」阿強回應。
 
「噉你頭先打嗰支係咩針？你哋個竇喺邊？」我追著問。
 
「我唔知呀——大佬俾——俾——俾——」
 
阿強突然口吐帶有血絲的白沬，雙眼佈滿紅筋，而且皮膚開始出現膿包和潰爛的傷口。
 
我和家輝此刻終於知道喪屍的由來了，靠著那支不明的藥針，令人類變成這種怪物。但又是誰製造這種藥針呢？阿強口中所說的幾個超級厲害的「新人類」又是什麼呢？一大堆未知的因素充斥著我的腦袋，一時之間我「腦袋當機」了，完全無法繼續思考。
 
「哥，你去休息吓先，我將個頭掉咗，再去將架船駛遠啲。」家輝看穿了現時狀態不佳的我。
 




靠著自動航駛，遊艇其實一早已經到達青洲，只是家輝想得比較謹慎，將船開到小島的背面。