一覺瞓醒，你竟然同我講香港有喪屍？！: Zombie 14：阿昌.

小鳳邊跑邊叫喊著，試圖節省一點時間，希望有人聽到後會出現在眼前。
 
「有冇人呀？阿爸！阿媽！你哋喺邊度呀？聽到就出嚟啦，我係小鳳呀！」
 
家輝和洛雯也緊隨其後，務求找到一線希望，但任憑三人叫破喉嚨也得不到任何回應，甚至連微細的聲音也沒有。
 
眼看這樣叫喊也不是辦法，小鳳便提議分開搜索，但卻被家輝拒絕了。
 
「呢度都幾多間房，但我哋一齊行會安全好多，點知有冇喪屍會突然走出嚟？」
 




「我都贊成一齊行。」洛雯附和。
 
「噉搵法要搵到幾時？龍哥唔係話朝早到夜晚七點左右冇喪屍咩？」

小鳳的心情兩人不是不能體會，只是首要條件是保命，他們三人絕對不能被喪屍咬傷。
 
「話係噉話啫，佢都話唔確定，嗰個只係參考時間，而且我哋對喪屍完全唔熟悉，妳估妳睇緊戲咩！小心一啲先有希望搵到屋企人。」家輝解釋。
 
「你明咩吖？你都冇屋企人！」小鳳罵道。
 




「喂！妳講嘢唔洗咁過份呀！妳估得妳一個……」
 
家輝一把抱緊洛雯，不讓她繼續責罵。
 
「得喇！冇事冇事，好少事嚟，唔洗咁勞氣。」家輝繼續說
 
「小鳳，喺呢個時期，冇人唔擔心屋企人，我好明白！我都有好照顧我嘅長輩，我都好擔心佢哋，如果妳而家出咗事，而事後搵到妳屋企人，噉佢哋點算？」
 
一旁的小鳳並沒有回應，強忍著的淚水緩緩落下，心情非常的焦躁難安。
 




「雯雯。」家輝示意洛雯陪伴在小鳳身旁。
 
三人慢慢查看著每一間房，除了凌亂外就沒有其他發現。
 
「家輝，對唔住……我唔係有心講嗰啲嘢，對唔住！」小鳳向身旁的家輝道歉。
 
「嗯！冇事喇，我地繼續搵，一定搵到嘅！」家輝微笑道。
 
「就算佢哋真係咁唔好彩，我都想睇多佢哋一眼……」說著，小鳳的淚水又再度落下。
 
「傻妹！冇事嘅，趁而家仲咁光，我哋快啲搵。」洛雯緊抱小鳳安慰道。
 
「哐噹！」房間外突然傳出類似鐵枝被弄倒在地的聲響，緊接著的是一陣急速的腳步聲。
 
「殊！」家輝示意兩人不要作出任何的聲音，獨自探頭往房間外窺視著。




 
洛雯和小鳳隨即蹲下，嘗試保持著一個不發出任何聲音的姿勢。房間外未見任何人的身影，但聲音卻沒有減少，反而愈來愈大聲。
 
「喂！」一個貌似十五歲左右的青少年突然從露台出現，用極小的聲音叫著眾人。
 
家輝隨即轉身準備上前攻擊，但卻被小鳳制止住。
 
「等陣，佢係我鄰居阿昌。」小鳳說。
 
「阿鳳，原來真係你，我聽到妳叫就即刻趕嚟。跟我嚟！我帶妳哋去另一個地方，妳爹哋媽咪都喺度。」阿昌說罷便準備轉身離去，但卻被小鳳叫住。
 
「等陣呀！阿昌，我仲有朋友喺前面渡假屋嗰度。」
 
「佢哋俾喪屍圍緊，妳哋快啲跟我走啦！」阿昌催促道。
 




「阿哥！」
 
洛雯第一個衝出房間，家輝亦緊隨其後，小鳳則強行拉上阿昌一同前往浩龍所在之處。
 
「喂！嗰邊好危險㗎，我唔想死呀！」阿昌嘗試掙脫。
 
「噉你話我知，我阿爸阿媽喺邊？我一陣去搵佢哋。」小鳳停下腳步，沒有再為難阿昌。
 
「學校天臺呀！」阿昌不爽道。
 
「邊間呀？」
 
「國民呀！妳個渡假村對面呀！」阿昌回應。
 
「咁遠你都聽到我叫？」小鳳突然察覺有點不對勁。




 
「我返嚟攞嘢，妳問咁多做咩？唔係要去救妳個Friend咩？」阿昌借勢轉移話題。
 
小鳳沒有再追問，隨地拾起了一塊石頭便頭也不回直奔向浩龍的方向。
 
正當洛雯走到浩龍所在的不遠處時，突然停了下來，一旁趕到的家輝和小鳳亦停下腳步。望著一地的屍體，三人深知不妙，環視了四周後仍不見浩龍等人的身影。
 
「哥……Mayu……」洛雯喃喃道。
 
「咻！」一支箭忽地從小鳳的臉旁擦身而過，直插穿她身後不遠處的喪屍，喪屍被衝擊力往後拉，漁箭直接把它的頭顱和樹幹連在一起。
 
「快啲過嚟！」蔣金水從家輝三人的右方突然竄出，示意眾人跟隨自己。
 
見三人未來得及反應，蔣金水再次叫道「快啲啦！佢哋唔頂得幾耐！」
 




聽到蔣金水的話，三人立即趕上，希望盡快跟浩龍和Mayu會合。
 
三人跟著蔣金水來到了一間民居，一進入屋內便看到浩龍和Mayu兩人合力頂著後門，門後不斷傳來「吼嘩！」的叫聲。眼看後門的門慢慢被推開，家輝等人也飛快地衝上前幫忙把後門關上並上鎖。
 
「唔該晒，差啲俾班喪屍撞入嚟！」我不斷大口呼氣，嘗試調整著那凌亂的呼吸。