一覺瞓醒，你竟然同我講香港有喪屍？！: Zombie 06：武士刀.

「林伯，我哋走喇！你自己要小心啲！」離開前我在保安休息室門外大叫道。
 
「等陣呀！你哋就噉就走喇？」林伯露出驚訝的表情問道。
 
「吓？噉唔係要點走？等埋你收工一齊走？」我揶揄道。
 
「唔係呀！外面有喪屍喎，你哋唔驚咩？」林伯問。
 
「我就咩都見唔到，我勸你要走就趁而家走。」我提議著。
 




「有喪屍點走呀？想死咩？你哋一出去實死無生㗎，留返喺度啦！」林伯依然躲在櫃子裡。
 
「呀林伯，你又匿喺個櫃入面仲咩呢？唔驚又冧落嚟砸到你！」我開始不想和林伯繼續糾纏下去。
 
「老公，走得未呀？我好驚呀！」Mayu拉著我的手問道。
 
「嗱！我提咗你㗎喇！」我對林伯拋下最後一句便頭也不回離開了。
 
「浩龍哥，我地而家點呀？」小鳳詢問。
 




「我開車載妳哋，妳哋企喺度等我。」
 
我吩咐二人在大廈門口等我，我跑回去電車總站把綿羊仔騎過去。
 
「綿羊仔？點坐三個人呀？」小鳳好奇問道。
 
「好Kawaii！」Mayu興奮道。
 
「如果而家只得一架單車，妳都要坐㗎啦！」我回應。
 




二人一前一後坐上我的綿羊仔，Mayu體型比較小坐前面，而小鳳則坐我的後面。很難想像三個人坐到一輛綿羊仔上，所幸的是我們三人都比較瘦，而且兩個女生都是嬌小型，不然的話，我真想叫小鳳自己走路去。
 
不得不說小鳳確實算得上是一個美女，但相比起我的Mayu還是差了點，正所謂「外國的月亮總是特別圓」。
 
說時遲，那時快，我又回到了大角嘴。我把兩人帶到我妹的住處，跟我妹報個平安，而且我想給她們看一下家輝手機裡的錄影。
 
「洛雯，幫我睇住佢兩個，我去一去灣仔，順便睇吓有冇嘢食可以拎返嚟。」
 
「呢個時候仲四圍走？」洛雯問。
 
「我返一返公司，睇吓有冇人喺度，好快返嚟。」
 
「老公，去邊呀？我又去！」Mayu撒嬌道。
 
「妳乖！我去公司睇吓就返嚟，順便拎啲嘢食。」我撫摸著Mayu的頭，嘗試安撫她。




 
「唔係有喪屍咩？仲出去？」小鳳完全不能理解我的行為。
 
「得喇，唔洗擔心，幫我睇住Mayu。」
 
正當我準備離開，家輝急忙把我叫住，從電視機上方，拿下原本用來裝飾的武士刀交給我。
 
「把嘢未開封㗎，用嚟旁身，多多少少都有啲幫助呱！」家輝依依不捨的看著手上的武士刀。
 
「多謝！」
 
沒想到，家輝竟然會把他珍視的收藏交給我，看來我妹這一次可能找到對的人了。
 
「小心啲呀！」眾人異口同聲說道。