一覺瞓醒，你竟然同我講香港有喪屍？！: Zombie 03：因為有喪屍，所以香港大停電？

「哥！真㗎！我哋親眼睇住隻喪屍咬死咗個女人。」洛雯附和道。
 
「你兩條友係咪shot咗呀？」
 
「我有拍片！你睇吓喇！」家輝把他的手機遞到我面前。
 
影片裡，一個爛面的男人把一個中年婦女撲倒後，把女人的手指咬斷，大快朵頤享用著。
 
「拍戲？」我讚嘆著影片裡的「演員」。
 




「你睇埋先啦！」家輝催促著。
 
影片裡的男人繼續啃食著女人的身體，把她的肚撕破，吃著她的內臟，直至他發現了家輝在偷拍。
 
「你哋做設計要拍埋呢啲？咩廣告嚟㗎？」我好奇問道。
 
「真架！唔止呢單，我哋一路跑返嚟已經見到唔少喪屍。」洛雯回應。
 
「……因為有喪屍……所以香港大停電，但街上面又會冇晒人囉！」我露出不屑的神情，顯然對他們倆人的話有很大的保留。
 




「麻油呢？你哋冇一齊？」洛雯忽然問道。
 
「Mayu？冇呀！佢話同朋友行街。」
 
「噉你仲唔去搵佢？由得佢一個等死呀？」洛雯激動地說。
 
「冇車點搵呀？」我抱怨回應。
 
語畢，洛雯遞上了一條車匙給我「樓下架粉藍色綿羊仔，上面有張比卡超貼紙。」
 




「我識鬼揸呀！」我不滿道。
 
「好易㗎，你當佢係單車就得㗎喇。」家輝說。
 
我拿著車匙呆呆地看著他們兩人，感覺事態可能真的很嚴重。不然，在香港地，誰會無緣無故把車借給別人。
 
「哥！小心啲呀！我哋唔係同你講笑，真係有喪屍㗎！」洛雯露出擔心的神情說。
 
「哥！小心！仲有小心我㗎車呀！仲供緊！」家輝提醒。
 
我隨便在廚房拿了一把水果刀便前往我女友的住處——北角。
 
臨離開前，我對家輝說「呀韋仔，好好睇住我個妹，保護好佢！」
 
家輝給了我一個肯定的眼神，點頭示意作回應。