《有日發現自己困咗係學校，但醒唔起點解自己會係度。 》: DAY2 圖書館（高深莫測的溫sir）

校工的詭異舉動令我百思不解。為什麼他要把同學的手冊丟掉？他要把垃圾送去哪裡呢？

帶著這個疑問，我到了學校圖書館，試圖尋找解答。

到了圖書館，我找了一堆關於靈異、科幻、懸疑的書本，然後坐下來閱讀。

「同學，睇黎你對靈異事件好感興趣wor！」一把溫柔的聲音響起。

我抬頭一看，立刻認出來，是圖書館管理員溫sir。他和我印像中一樣和藹可親。





「溫sir。我覺得我經歷緊D用科學解釋唔到既事情。」我嘆道。

「的確，呢個世界上有好多用科學解釋唔到既事情。」溫sir表示認同，「不妨講黎聽下。」

「係咁既。」我抽了一口氣，「我覺得我地係罪人，比鬼怪困住咗係呢個結界入面，每日重複咁度過同一日。」

溫sir沉默片刻。

「呢個係一個有趣既猜測。」溫sir笑道，「咁點解你覺得自己係罪人？」





「er...」我思索著，「因為我抄同學本筆記？因為我欠交功課？因為我遲到？」我把所有我犯過的錯誤娓娓道出。

溫sir被我逗笑了。 「呢D只係好細微既錯誤，並唔足以形成結界。形成結界需要巨大既能量。」

「巨大既能量？」我百思不解。

「冇錯，呢種能量係源於外界同內部既結合。兩者都達成而產生既巨大能量。就好似我地身處於地球，外界所指既就係地球外面——宇宙，而內部所指既係地球入面既野——例如：陸地、天空、動物。」

「咁我地要點做先可以打破呢個結界？」我提出了關鍵的疑問。





「以前人類以為自己淨係可以留係地球入面，但後來人類發明咗火箭，成功衝出地球。」溫sir解釋道，「所以要打破結界，要從內部做起，先搵出問題所在，再搵解決方法。」

「問題所在......姐係搵出鬼怪？」我疑惑道。

「如果你覺得問題所在係鬼怪，咁你咪嘗試下。不過提醒你，一旦搵出問題所在，就冇時間比你唸解決方法。所以......」

「所以要先搵解決方法！」我搶答道。

溫sir微笑地點點頭。

「但係......」我皺眉頭，「唔搵出問題所在點搵解決方法？」

溫sir笑而不語，用手指指著壁報版，上面寫著：「團結一致、凝聚一心」。