無聲遊戲: 三十二．圍剿

「咁不如鈴聲轉埋你嘅叫床聲啦。」我笑淫淫咁同Debbie講。
 
「吓？要我無端端扮叫床嚟俾你錄音呀？」
 
「唔駛。我哋而家嚟多次，咪可以錄低你嘅叫床聲囉。」我跟住就又撲向Debbie。佢「嘩」咗一聲，但係並唔抗拒。我嘅老二休息咗一陣，喺Debbie嘅溫香軟玉刺激之下，已經又再硬到頂住佢。
 
「至少都換個套先吖。」我興緻勃勃咁喺Debbie身上磨擦嘅時候，俾佢笑笑口叫停咗。係喎，我都唔記得咗自己仲戴著之前個避孕套，啲精都仲喺裏面。我即刻起身掉咗個舊套，清理一下，換個新嘅，又再撲向Debbie。今次佢無再叫停，反而係熱烈咁迎合我。雖然啱啱先做完一次，但係我哋兩個都毫無疲態，身體激烈咁互動。緩急有致嘅抽插令到Debbie發出連連嘅呻吟聲，我錄音嘅工作亦非常順利咁完成。
 
Debbie興奮中舉起左手按住額頭，想遮住自己塊臉，唔俾我見到佢個姣到癲嘅淫樣。樣就遮唔到喇，反而露出咗佢個格肋底，俾我烘埋去係咁瀨。當你對一個人發情嘅時候就係咁，連格肋底都係香嘅。Debbie俾我瀨到有少少唔好意思，都嘗試過推開我個頭。但係下身嘅碰撞越嚟越猛烈，已經高潮過一次嘅小穴水量十足，每插一下都發出滋滋聲，佢已經唔得閒去防守自己嘅格肋底，任由我喺佢身上為所欲為。
 


興奮嘅當然唔只係Debbie，我都一樣爽得不得了。我嘅肉棒越脹越大，越插越硬，成個腦除咗抽插嘅動作同高漲嘅射精感已經乜都無。我哋嘅配合度真係一流，當我一下大大力插入去，插穩要射嘅同時，Debbie亦啱啱好高潮。佢一邊震動身體，陰道一邊吸住我嘅肉棒，噴出愛液，令我一路射一路感覺到果種溫暖又緊緻嘅壓逼感，肉棒極為舒暢，一彈一彈咁將精囊清空。
 
完事之後我哋又再攬住好耐，先至去清理身體同著衫離開。我攬住Debbie落到去酒店大堂，即使今日已經夠晒皮，我都係喺佢身上不斷抽水。正當我隻手摸住佢大脾，想再向佢短褲入面探索，佢部手機突然間響起急促嘅警號。事實上唔只係Debbie部手機，而係所有人嘅手機都響起嚟，只有我部機無響。不過其他人即使手機響，都無任何反應。
 
Debbie打開手機一睇，面色變得鐵青，同我講：「快啲走！」跟住就捉住我隻手，拉我跑向酒店門口。我俾佢嚇咗一跳，問佢發生乜嘢事。
 
「啱啱出咗個緊急廣播，你無收到咩？」Debbie一路講，並無停低腳步。哦，果啲乜嘢發晒俾所有人嘅緊急廣播。之前專用嚟發啲無聊嘢，乜嘢長官戰勝痔瘡康復咗呀，乜嘢百歲老領導老蚌生珠呀，因為太煩，俾我熄鬼咗。
 
「個廣播係發咗呢度個位置出去，召集呢區所有嘅Agent集合嚟消滅重大bug，即係嚟圍剿你呀！」吓，咁大鑊？去到接近出口附近，我哋已經見到外面有幾十個Agent向住酒店嚟緊，呢次到我騰晒雞問Debbie：「睇嚟太遲，走唔到喇。即係我哋兩個要對付晒成個區嘅Agent？」雖然一般Agent都唔係我同Debbie嘅對手，但係蟻多摟死象，要同時對付咁多人實在係凶多吉少。
 


「乜兩個呀？係你一個呀。我都唔可以對其他Agent郁手，無得幫你喎。」係喎，Debbie講過Agent被創造嘅時候都被落咗唔可以攻擊監察者同其他Agent嘅命令，再講如果佢俾其他Agent見到同我一齊，唔死都一身潺。係絕望之中，好彩仲有Debbie對我伸出嘅援手：「咁啦，我先出去，扮話見到你走咗，帶呢批Agent同我一齊去追。你好好匿埋先，等我哋走遠咗，你再靜靜雞出去啦。」我隱約覺得件事唔會咁簡單咁順利，但係亦諗唔到其他方法，只有依依不捨咁睇住Debbie離開。
 
「就算我引走咗呢一批主力，附近都好可能仲有其他Agent㗎，你要小心啲呀。只要離開咗酒店附近幾公里，應該就會比較安全。」Debbie臨別都不忘再叮囑幾句。我亦對Debbie咁做有啲擔心，不過總好過同我一齊出去俾人捉個正著。何況Agent既然唔可以互相攻擊，照計佢都無即時危險嘅。
 
一如計劃，Debbie出去之後，就帶住果班Agent離開咗。我耐心等咗一陣，確定外面已經靜咗落嚟，就由另一個出口離開酒店。一路上我用盡我玩尾行跟縱匿藏遊戲嘅經驗，盡量唔引人注意咁遠離酒店。最後雖然喺途中仲係有兩次俾喺附近徘徊嘅Agent認出，但係好彩佢哋實力並唔強，幾下手勢就俾我收拾咗。出於形勢緊急，我並無好似平時咁中出佢哋，而係咁耐以嚟第一次，直情將佢哋斃命。落手嘅時候我都有啲猶疑，畢竟我未殺過人，但係喺咁嘅情況下，亦唔到我選擇。
 
終於去到酒店之外幾公里，應該都算係離開咗最危險嘅範圍。當我暗自鬆一口氣，就發現自己實在太天真。一支苦無由唔知邊度射出嚟，直撲我額頭，好在我有盾牌在手，先至反應得切擋住。苦無落地之時，我眼前出現一個全身著住白身緊身衣嘅女仔，佢身型細細粒，一頭黑髮縛咗一條高馬尾。單由佢身上發出嘅強烈殺氣，已經可以確定並非泛泛之輩。
 
「你係邊個？」雖然明知對方係Agent，但係直覺話我知眼前嘅唔係一般對手，應該要知道對方嘅名號。
 


「Agent Sukie。」佢亦大方咁自報姓名，但係攻擊動作並無停落嚟，現出手上嘅兩把短刀，以極快嘅身法逼近我身邊。我當然唔會坐以待斃，立即打醒十二分精神，長刀劈出，以攻為守。但係Sukie唔只速度快，短刀嘅軌跡更加係詭異非常，避開咗長刀，刺向我條頸。我俾佢嚇到縮返轉頭，退後幾步，勉強避過刀鋒。
 
接住落嚟，我都被逼完全處於防守狀態，雙方實力高下顯而易見。眼前嘅對手實力竟然比Debbie仲要強！而即使一直防守，都並唔係全無破綻。喺Sukie不斷嘅攻擊底下，我手臂、個身同塊面都添加咗唔少血痕，好在仲未有致命嘅傷口。為咗扭轉形勢，我駛出我嘅拿手好戲，喺攻擊途中將武器轉換，務求一擊重創Sukie。但係當佢見到我消去同召喚武器，竟然非常冷靜，好似早就知道我有召喚道具嘅能力咁，不慌不忙咁避開。被嚇到嘅反而係我，倉惶之間，心口又添咗一道傷痕。
 
我已經清楚明白，眼前嘅對手唔係可以輕鬆贏到嘅人。要贏，就只有用盡全力。我之前同Debbie講我練成嘅絕招，並唔係吹水咁簡單，而係我諗住用嚟對付監察者嘅殺手鐧。但係喺呢一刻，我要爆喇！只有咁先有機會打贏Sukie。如果而家就死喺佢手上，仲邊有機會去搵監察者？