無聲遊戲: 十九．初次召喚

我瞓到第二朝晏晝先起身，尋日真係搏咗老命，而家都仲有啲攰。手機已經叉完電，我即刻開返嚟睇吓尋日拍到邊。原來拍到個幾鐘就斷咗，無咗一啲珍貴片段真係可惜，但係時間無得返轉頭。呢個時候我收到一個TG嘅通知，有人傳咗一個訊息俾我。
 
自從閃光之後，我從來無收過任何訊息。呢個世界嘅人根本無溝通，又點會傳訊息？傳訊息嘅係一個唔喺我通迅錄上面嘅人，用戶名叫「Operator」，內容係幾段影片。我打開嚟睇，竟然係尋日我同Danielle喺露台仔上面扑嘢嘅片，連我拍唔到嘅下半場過程都有晒。咁即係呢個世界上面仲有其他有意識嘅人？仲有佢係點影到呢啲片嘅呢？
 
最後一段片就比較奇怪，係一個I社出嘅H game畫面，影住喺場景之中幫人物換服裝，加入物件之類。而遊戲中出現嘅果一個座標．．．座標？無錯，就係同我視線中出現嘅三色立體座標一模一樣！難怪我一直都覺得個座標有啲眼熟。確實我都曾經喺呢個遊戲上面花過唔少時間同「精」力，我見到嘅呢一個座標，亦同遊戲中一樣咁難操作，永遠唔知自己指咗去邊。
 
莫非喺現實中都可以換到服裝同召喚啲物件出嚟？但係又無得㩒掣開個選單或者介面，究竟點搞？我試咗好耐，都係搵唔到答案。唯一可以肯定嘅係，呢個Operator絶對唔簡單，而且同呢個世界嘅變化好有關係，或者至少知道內情。
 
「你好」
「你係邊個？」


「點解會有尋日果幾段片嘅？」
「最後果段片，又係乜嘢意思？」
「我哋可唔可以傾吓？」
 
我不斷發訊息俾Operator，但係完全無回應。TG戶口入面無電話資料，我想打電話俾佢都唔得，只有一直等。等極都未有反應，又開始有啲餓，我都係出去食飯先，反正喺邊度都係咁等啫。我今日一反常態咁對路上嘅女仔都無出手，一來真係好攰；二來係Operator嘅訊息令我太在意，無乜心機搞嘢住。反正返到屋企都係一個人，我食完飯都係喺條街度周圍搵啲咖啡小食店坐吓。
 
我一路望住經過嘅途人，發現咗一個好搶眼嘅女仔。佢樣貎身型都無乜特別，就係一般嘅後生女，可以話身材算比較有睇頭，露腰嘅上衫加短褲亦凸顯到佢條無贅肉嘅腰同整齊乾淨嘅肚臍仔。不過令佢最搶眼嘅，係佢一頭及肩嘅鮮紅色頭髮，顏色自然到唔似係染髮。當我一路注意住佢嘅時候，佢忽然擰轉頭，同我對望咗一眼。呢一眼令我嚇咗一跳，佢係清楚咁望向我，有意識咁望向我，呢個世界仲有另一個有意識嘅人！對望之後，佢向我行過嚟，我亦企起身迎接呢一位我一直喺度搵嘅人。
 
「呢隻應該就係導致附近出現咁多異常嘅bug。咦？無QR code嘅？」紅髮女仔上下打量咗我一陣，自言自語，似乎有啲吃驚。
 


「你都係仲有意識嘅？你知唔知道發生咗乜嘢事？」
 
「會講嘢嘅bug，嘩，真係要影低佢。」紅髮女仔講完，就攞手機出嚟開始影我，由始至終都無諗過要同我講嘢。
 
「喂，你究竟有無聽到我講嘢㗎？你叫乜嘢名呀？」我對佢當我係珍禽異獸咁開始唔耐煩。
 
「呀係，點都應該要報個名堂嘅，我係Agent Alice，咁開始啦。」佢終於回應我嘅問題。
 
Agent？乜嘢agent呀？賣樓定賣保險㗎？搞到我一頭霧水。佢一邊講，手伸去自己頸上面印住QR code嘅頸圈㩒咗一下，然後上面嘅QR碼就消失咗。佢向側邊行開幾步，然後又向我行埋嚟。我一路都𥄫實佢，又同佢對望咗一下，佢又露出驚訝嘅表情。
 


「仲要唔靠QR code識別其他人．．．是旦喇，都係快手搞掂就算。」自言自語嘅Alice，右手攞出一支伸縮警棍，甩咗一下，跟住就開始揮棍攻擊我。我手無寸鐵俾佢突襲，自然只有捱打嘅份。咪睇Alice好似一個弱質女子，佢出手真係又重又狠，我嘗試用搵到嘅櫈呀、水煲呀之類嘅雜物擋住，但係都俾佢用支棍打爛晒。我作為一個男子漢大丈夫，見到咁嘅勢頭，緊係留得青山在，哪怕無柴燒，拔腿逃走。
 
「你隻bug咪走呀！我仲有好多嘢做，大把bug要搞㗎，你咪嘥我時間啦！」我一路跑，Alice就追住喺我背後叫罵，佢嘅叫聲越嚟越近，我只有加把勁用力跑。突然我屁股俾人踢咗一腳，成個人向前仆，真正仆咗街。Alice跳過嚟騎喺我身上，又係一輪亂棍，我只有舉起手嚟護住個頭，俾佢打到手都痺。俾佢咁打落去唔係辦法，我手上又乜都無，唔通今次真係仆街就咁玩完？
 
視線中嘅三色立體座標，正正停喺我同Alice中間。我諗起Operator俾我嘅訊息之中，果一段加入物件嘅遊戲片段，「乜都好，求其乜都好，俾件嘢我頂住啦！仆街！」我喺心裏面大嗌。
 
一個綠色嘅球體，大約好似一個籃球咁大，突然就出現喺我面前。得咗．．．唔通真係得咗？總之Alice支棍俾個波擋住咗，個波再撞埋我手臂。個波係硬嘅，撞埋嚟都痛痛地，但係當然好過俾支棍打。Alice支棍俾個波嘅反作用力彈開咗，而個波就裂開成兩邊，跌咗落地下。趁住支棍彈開嘅呢一個機會，我一手推向Alice個胸，將佢推開跌咗落地下，我就急急腳起返身。
 
Alice雖然俾個波嘅出現殺咗一個措手不及，但係佢反應好快，無幾耐就起返身，又再攻過嚟。我有咗剛才嘅經驗，將個座標移到去手掌，心裏面大嗌「出嚟啦，仆街！」一個新嘅綠色球體又再出現。佢支棍又被彈開，而個波亦俾佢打到裂開。同樣嘅事，之後又重覆咗一次，我而家有信心可以扺擋到佢支棍，就企喺度同佢對持。有一樣有趣嘅係，自從Alice個QR code消失咗之後，佢變成同我一樣，俾周圍嘅人無視，間中會有人想撞埋去，不過都俾佢避開晒。
 
「喂！你究竟發乜嘢癲呀？失驚無神見到我就打！」我盡最後嘅努力，希望可以同Alice溝通，始終我都想從佢口中知道更多關於呢個世界嘅事。不過一邊講，我一邊發覺身體有啲唔妥，自從第一個球體出現之後，我即使喺被追打嘅情況之下，都居然產生強烈嘅性慾。每一次再召喚出球體，性慾都變得更猛烈，而家真係老二頂住褲浪。