沙頭角與長洲的距離: 十九.

「啪！」

最裡面傳來一下開關按下的聲音，頭頂一排排的燈管隨之亮起，整間店瞬間明亮起來。

「過嚟啦！」她在收銀桌裡喊道。

雖然我這沒文化的人完全不懂欣賞藝術，但那掛在牆上的璧畫跟放在櫃子裡的碗子真的挺好看。

我在她對面坐下：「呢度啲嘢全部都係你整架？」」





「梗係唔係啦，我邊有咁萬能。」她苦笑道：「有啲係人哋拎過嚟寄賣架。」

「咁嗰隻碗呢？係咪嗰啲陶瓷嚟架？」我問道。

「嗰個係陶瓷嚟架，我整架！」她興奮得手舞足蹈：「你係咪想話好靚啊？」

「上面個花紋成條彩虹咁好靚。」

「梗係啦，我整架嘛。」她拍了拍胸口：「我專業架嘛。」





我看過弄陶瓷的影片，感覺很好玩的樣子。

現在有個會弄陶瓷的人坐在我對面，要不…

「咁你可唔可以教我整架？」我瞪大雙眼，用期待的眼神看著她。

她托著下巴，沉思了一會：「都可以嘅，不過食埋嘢先啦。」

話畢，她便把兩碗魚蛋粉拿出來放在桌上。





我正想伸手去取筷子，可她卻比我更快，還連包裝都拆了。

我接過筷子，光速開吃。

不用多久，我已經吃飽了。

雖然我吃飯原本就快，但這次感覺更好，可能是因為想要快點去弄陶瓷的關係。

我把雙手支在桌上托著頭，看著還在吃的她。

果然，人美吃個飯也美。

「做咩係咁望住我嘅，想比壓力我食快啲啊？」她問道。

「唔係啊，靚女咪望住囉。」





「原來你個死人頭係痴漢！」她磨了磨拳：「我要打柒你個死人頭！」

我下意識退後，可她根本沒有出拳。

「我點會無啦啦打你啊。」她揶揄道：「同埋望女朋友有咩問題啫，你咁大隻都咁細膽嘅。」

就說了，我內心可是裝著小男孩靈魂的。