時光突然倒流，打完飛機啲精縮返入龜頭: （14）

沿路有啲崎嶇，搞到條轎「鄧下鄧下」咁。

經過一輪顛簸，我嚟到一塊種菜嘅農地。

過咗一陣，一個衣衫襤樓、手腳瘀青嘅農民行到我面前。

我有啲驚訝，心諗呢條友咪就係以前喺學校，帶頭欺凌我嘅mk仔？

佢塊面雖然俾啲泥整污糟咗，但我依然認得出佢個樣。





而且我仲記得好清楚，條mk仔個名叫「大嘜」。

估唔到佢前世原來係一個爛身爛勢嘅農民！

我身旁一個家丁，將一渣銅錢交到大嘜手上，然之後，大嘜無啦啦跪低向我叩頭。

條友喊曬口，又跪又拜咁，都唔知佢做乜。

再過多陣，我身後嗰班家丁突然圍埋去揼佢，仲要係拳拳到肉嗰隻。





原來大嘜手腳上嘅瘀青係咁樣得嚟。

條友一路俾人打一路講緊嘢，而我亦都有同佢對答。

可惜我地嘅說話都係倒轉嚟講，因此基本上無辦法聽明對話嘅內容。

我唯有靠估，結合邏輯同常理猜測吓發生緊咩事。

睇我肚滿腸肥、一身金銀珠寶，又住大屋又盛，好明顯就係一個有錢大地主。





既然做得地主，咁梗係會剝削同壓榨農民。

前世嘅我實係向大嘜徵加昂貴嘅地租，而對方卻交唔起錢，於是我就叫手下班家丁圍毆佢，打到佢肯交錢為止。

啱先佢實係俾人打到跪地求饒。

哈哈！一定係咁！以前俾條mk仔恰得多，家吓見到佢俾人𡁻，我覺得好心涼！

只但係掉返轉嚟諗，會唔會就係因為我前世做地主欺壓佢，所以先導致後一世嘅我俾佢恰返轉頭？

再諗深一層，我之所以屋企咁窮，好可能係前世做地主嗰陣掠得太多錢，導致到下世要做窮撚。

莫非呢啲就係所謂嘅「因果報應」？

不過係唔係都唔緊要啦！反正呢刻嘅時間係倒轉咁行，即係所有嘢都會倒果為因。





情況就變成個mk仔欺凌完我，輪到我恰返佢報仇。

哈哈哈！佢條仆街都有今日啦！以前「蝦」我「蝦」得咁爽，家陣仲唔受返！

最正係除咗大嘜之外，其他有份蝦過我嘅mk仔，都一樣變成農民。

離開菜田後，我逐家逐戶咁去強收地租。

見住班友仔俾班家丁圍住砌，我條氣總算「gur」返曬。