時光突然倒流，打完飛機啲精縮返入龜頭: （11）

條四人大轎卒之返到佢嘅出發地。

呢度係一間超級豪華嘅大宅，一睇就知係有錢佬住嘅地方。

一班下人企喺大宅嘅前院「迎接」我。

發夢都估唔到，前世嘅我原來咁架勢。

落咗轎，我以後退嘅腳步，進入大宅嘅廳堂。





裡面嘅樓底好高，裝修氣派豪華，周圍掛咗唔同嘅字畫，以及陳設咗各樣古董。

我坐上大廳中間嘅雕刻木櫈上，一個中年男僕人遞個茶杯過嚟。
佢個樣睇落有啲似我以前屋企樓下個看更。

我拎起個杯，濃茶從我口中流返入個杯度。

跟住有三個女人出現喺我身邊。

礙於身體無法自控，否則我應該「嘩」咗出聲！





皆因呢三個女人居然係我以前嘅中學老師：miss朱、miss曾同miss張。

佢地一個幫我按腳，一個按摩我膊頭，一個原本應該係餵我食提子，不過家下變咗接我吐出嚟嘅提子。

三人身穿雍容華貴嘅服飾，睇個款唔似妹仔，兼且對我嘅行為親暱，感覺似係我嘅夫人。

衰在控制唔到把口講嘢，加上對方嘅說話全部倒轉講，完全不知所云。

假如對答到嘅話，或者就可以問出我地嘅關係同身份。





不過就算問唔到都唔緊要，因為行動勝於一切。

從我同佢地做出嘅行為，其實已足夠判斷出答案。

時間由正午倒流至早上，miss朱翹住我隻手，大家一齊倒後行至後院一間廂房，另外兩個miss就各自返去自己間房。

我同miss朱入到房，即刻就大被同眠、同床共枕。

幸福嚟得太突然，我地咁樣訓埋一齊，基本上可以肯定，前世嘅miss朱就係我嘅娘子。

既然大家係夫婦，咁就即係話……

嘻嘻嘻…