時光突然倒流，打完飛機啲精縮返入龜頭: （3）

啲水流返曬入水壺度，跟手我將個杯同個壺放返原位，並一步一步退後行入廁所。

我記得喺飲水之前，我屙咗一督屎。

廁所門噠一聲閂埋，之後我隻手先捉實個門柄，並向反方向扭動。

與此同時，個馬桶忽然喺度沖廁，原本沖走咗嘅屎呢刻「捲土重來」。

廁所立即充斥返強烈嘅臭味。





我㩒返起個沖廁掣，然後拉低條褲，有兩張抿完屎嘅紙巾，隨即喺馬桶中，凌空飛到我手上。

本來濕咗嘅紙巾變得乾爽，我拎嚟抹咗兩吓屎忽，兼擰轉身坐落個屎塔度。

我已經估到將會有啲咩事發生，因此極力想企返起身。

只但係，無論我點用力都好，身體始終唔聽我指揮。

啲屎hi返曬落屎眼，手上兩張紙巾抹到變返乾淨，且逐一駁返落馬桶隔籬卷廁紙度。





唉屌！一如所料，屎塔下面嗰啲屎，果然逐條逐條咁塞返入我個屎忽窿度！

一路塞，我一路就變得急屎，感覺好難頂！

射咗嘅精縮返入龜頭，飲完嘅水嘔返出嚟，屙咗嘅屎捐返入屎眼，咁樣仲唔係時光倒流？

當所有糞便都回歸返去肛門後，我再企返起身，倒後行返出客廳。

身體不能自控嘅我，眼尾咁啱睄到墻上嘅掛鐘，時間顯示為下晝5點。





時間由6點倒退咗一個鐘，而且秒針更向逆時針方向轉動。

咁就幾乎可以肯定，時間真係倒流緊。