【校園愛情】喺中五我因為上堂猜枚識咗你 學識咗最重要嘅事情: 溫習

 喺佢走咗之後，我真係好無聊，唔知係咪俾佢感染咗我竟然攞咗份功課出嚟做
    
    頭先我攞咗本中文書出嚟，打開咗課文15分鐘之後我選擇左放棄
    
    我又攞咗張英文工作紙出嚟，我用咗全力嘗試去答但係都係唔識
    
    唔知點解對得多啲功課，越嚟越眼瞓咁
    
    呼嚕呼嚕～呼嚕呼嚕～呼嚕呼嚕
    




    …………………………..
    
    係一個好遠嘅地方，我見到有一個男仔同一個女仔，我望真啲見到嗰個女仔喺hebe，
    
    我在望過去想望清楚個男仔係邊個，但係係望過去嘅時候有一把聲傳過嚟
    ………………….…..………….
    
    「喂呀醒啦醒啦」
    
    「咦hebe點解你喺度嘅？你唔係應該去咗幫手補習咩？」我有啲疑惑咁樣問




    
    
    「嗤嗤，你仲話你唔係傻仔，成七點啦補完啦」
    
    「應承咗教完補習過嚟搵你㗎嘛，點知咁你屋企門鐘又冇人聽，你道門有冇鎖，所以咪入嚟睇吓囉」
    
    「但係點解你瞓咗係張枱度嘅，仲要咁多功課工作紙喺度」
    
    「我知啦～唔通你係唔識做」hebe一輪嘴咁樣講咗咁多嘢
    




    「梗係唔係啦，咁簡單點會唔識啊」我死要面咁講
    
    點知佢一下搶咗我啲功課
    
    「你仲話你唔係唔識做，你咁簡單都可以做錯晒」Hebe用一種望白癡嘅眼神望住我
    
    「等我教你做啦」
    
    「唔使喎我識做⋯」
    
    「真係唔使？好啦咁我唔教你㗎啦」
    
    「咁又唔好」我扮傻咁樣講
    
    Hebe繼續追問：「咁你係咪即係唔識姐？」




    
    「都冇程度算係嘅」我有啲尷尬咁講
    
    「都話咗你唔識㗎啦，嘻嘻」
    
    「好啦咁我教咗你英文先啦，啱啱睇咗兩眼見你英文好似好差咁」
    
    「咩叫英文好差喎，我都識好多㗎，我識How are you同埋i‘m Fine thank 㗎」
    
    突然間全間房正晒….
    
    「攞你啲功課出嚟先啦～」「我逐題逐題教你啦」
    
    首先呢個要將佢變做過去式啦 即係要加依啲啦咁樣就係答案㗎啦
    知唔知點解呀？




    
    你一直好俾心機教我，我從來未試過咁專心，但係我嘅專心唔係用喺你教我度，因為我全部心機都喺度望緊你
    你咁俾心機教我個樣真係好靚
    
    「知唔知點解呀？」
    
    「因為佢前面用咗過去式」
    
    「算你啦有聽～」「唔好再發夢啦我繼續講下一題啦」
    
    「咁呢題點做啊？」
    
    「我知我知呢題要加ING」
    
    時間過得好快係你教緊我做功課嘅時間咁快就去到八點啦




    
    Hebe望一望電話見到八點
    
    「我返屋企要遲到啦，啲嘢你仲明唔明呀？」「如果唔明電話再問我啦」
    
    「我下次過嚟你要做晒啲功課俾我睇啊知唔知啊～」
    
    「知道啦」但係我有啲好奇咁問：「如果遲返屋企會點㗎 ？」
    
    「總之就唔可以遲返屋企啦，唔好時間啦以後再同你解釋啦」
    
    其實真係唔理解囉遲返屋企有咩大不了喎，去到以後我先知點解你要咁趕住返屋企
    但係我估唔到嘅係，你竟然肯冒險遲返屋企佢教我做功課去陪我
    
    「好啦我走啦」




    
    「拜拜返到屋企同我講聲啊」
    
    「知道啦思行小朋友」「我哋有咩再電話傾啦～」