是咁的，我無啦啦收到隻戒指: 二十五.

我哋就咁企喺到等佢，越企就越心慌，因為我哋只係搏緊佢記憶錯亂，唔係真係喺到讀過，比人發現嘅話肯定要行返轉差館。

等咗陣，佢拍咗拍我膊頭。

「龍仔我搵到啦，你睇吓係咪呢個？」佢遞部電話過嚟。

佢部電話Show緊一個Whatsapp Ac嘅個人資料，但係冇Set聯絡人名，淨係睇到個Icon。

雖然唔知係唔係我哋想要嗰個林悅晴，但係呢個世界咩都有可能，所以我哋都照單全收曬先講。





「係呀係呀！唔該你啊Miss Chan！」我拎電話出嚟抄低。

呢個時候，有個光頭啊叔行咗入嚟。

「喂Miss Chan你喺到搞咩啊？」光頭啊叔企喺Miss Chan身邊。

「冇啊，呢個係畢業生嚟架。」Miss Chan答佢。

「係咩？我冇咩印象嘅。」光頭啊叔不斷上下來回掃視我。





「梗係啦，你每年都教咁多人。」我笑住咁講，但係頭頂標緊冷汗。

「做咩流曬汗嘅？」光頭啊叔問我。

「冇啊，啱啱同啲Friend跑完步啊嘛。」

「係啊，跑咗陣。」狗卷附和我。

「咁都一場嚟到，不如睇下當時個畢業冊。」光頭啊叔拎咗部電話出嚟：「我有Save喺電話到。」





唔撚係啊？