《在七日輪迴中尋覓真愛》: Week 0 Day 6

Week 0 Day 6

「要我死心除非你是尼安德塔人，情人係世界最大毒癮但冇法例禁。」

聽到熟悉的聲音，我迷迷糊糊地從睡夢中醒來處，揉了揉眼睛，觀察着四周的環境。

只見阿秦一臉歉意看著我，他說：「Sorry！見到Fergus出左新EP，忍唔住㩒左入去聽。」

「Novel Fergus？今次都係五首新歌？」我精神煥發地問。





「係啊！我啱啱聽嗰首叫《神話》，啲詞好靚！」他興致勃勃地說。

「聽過~」我按下重播鍵。

---------------------------------------------------------------------

一曲終，我開口說：「個故事寫得好好！」

「真！」阿秦說：「個主角好慘啊！你覺得佢係乜嘢身份？」





「嗯...我覺得男主角有機會係沉船嘅SP。」我想了想，然後答。

「何出此言？」阿奏語調拉高，學着古人的口吻說。

「你沒權干擾當我想發問，停唇邊怕你笑我想法笨。要我死心除非你是尼安德塔人，情人係世界最大毒癮但冇法例禁。」

我指了指這句話說：「我認為男主沉左船，佢自知即使自己問一句「你可唔可以同我一齊？」只會俾SP笑，但係佢冇死心。」

「女方係八月獅子座，佢哋有一個特性，就係貪慕虛慕，所以歌詞先會以艷麗登場、騷動全場等形容。





然而隨著時間過去，男主角的真心和付出，令兩個人逐漸互相沉淪。」我說。

「正如古埃及文明碰上尼羅河一樣，然後女方說出了她一直拒絕的原因－對信任害怕。

我碰見美杜沙不動心不會石化，可以解釋為，如果當初冇見到對方就唔會動心。」我繼續道。

「一切順利，互相動情，情到濃處時，耕種有了榖。

唔清楚女方本身有自己嘅家庭抑或係唔想要BB，只知道男女雙方之間因此離開了對方。

罪洗去在恆河，加上前面提及「浴血士兵將你合照放喺身。」，大概率指出女方是出軌的一方，男主角為第三者。」我沉重地說。

「唉！其實男主一直都知，「常聽見別人勸，愛未必成眷。」只係...愛情呢啲嘢唔係你想就控制到。」我歎息了一聲再說。

「亞歷山大遠征以失敗告終，英女皇亦長眠於世，就像這段感情－倒了巨石陣。





正如歌名「神話」一樣，虛幻的故事發生在真實的地方，回憶如夢幻泡影，一點即破。

無論以前的感情有多轟烈，但它們已經是過去式。

當然呢啲只係我第一時間聽完之後嘅感覺。

我要再研究研究呢篇詞，始終有好多典故同一語雙關。」我雀躍地說，帶有找到了新獵物的興奮感覺。

「我睇啲詞，諗起「這麼遠那麼近」，有冇機會講緊同性戀嘅故事？」阿秦問。

「嗯...應該唔係，戴著玫瑰艷麗登場、美杜莎應該都係指女性。

「古埃及文明碰上尼羅河」可以指光明遇上陰柔，陰陽交合，雙方應該唔係同一性別。





加上「求懇主取我肋骨別教我單獨」呢個上帝以亞當的肋骨創造出夏娃嘅典故，我都幾肯定係一男一女嘅故事。」我答。

「係喎！你啱！」阿秦說。

---------------------------------------------------------------------

「原來已經六點半，等一陣Dr.Chu返嚟，我就搵佢傾轉院事宜。」他說。

「OK！」我剛回應，他便問我：「咁我哋繼續聽歌？」

「你聽住先，我要去刷牙洗面。」我說。

「等你！」阿秦說。

用力按壓椅面，把自己撐起來，並向洗手間的方向走。