🔥 我係偽娘2.0 喺交友app上扮gay食女 🔥: Ch.5 誰先投放多一分情感，誰就輸

Priscilla：因為這樣下去就對室友不公平了。

Andy：Why?

Priscilla：室友從來未帶過朋友上來。

Andy：關咩事？
Andy：室友都可以帶人上嚟㗎

Priscilla：你大個仔了，總要想想他人吧？




Priscilla：室友也是共住這裡，總沒可能只有我帶人上來，但室友卻不能帶人吧？
Priscilla：更何況最近的疫情數字上升了，還時減少見面較好。

Andy更感到不解的事，是所謂「不公平」背後的邏輯，他心裡在想：是地方太少，所以無法容納外人上門？室友對陌生人的不安全感？業主的規矩所定？

他已經分不清，到底是真的所謂「不公平」，還是純粹Priscilla找籍口來拉遠關係距離。

這幾天，他在學校宿舍裡，偶爾也會沉思自己的人生方向。

伏在手提電腦前，Zoom裡的畫面都是上方一列講師和同學的用戶名子，畫面中央則是講師的電子筆記。經過上個學期「爛grade」的洗禮，Andy感到在科大裡面可謂卧虎藏龍，學業競爭激烈完全跟DSE是兩個檔次；即使努力了，也不一定獲得A級的成績。





因此他無心機地坐在課堂上，做著白日夢：思考著「除了讀書，還能做甚麼事情賺錢？」

他想起曾經買下的偉特塔羅牌，其中一個念頭就是：在網上做塔羅占卜生意，為人解答問題。

於是在最近的日子，他偶爾在IG上參考其他同行人士是怎樣在IG上出貼文，文字、廣告、圖片、服務、價格要怎樣決定才能吸引客戶。

Andy：塔羅師，我想問一個問題。

當然，他也帶著私人的理由來尋求塔羅師幫助。剛好有個塔羅師名為Jasmine，她剛剛從IG上試業，試業期間提供免費占卜，Andy見到有免費午飯，便享用它來詢問感情問題。





Andy：我想知道我同嗰個女仔有冇得行落去。

Jasmine：好，咁你而家先深呼吸冷靜落嚟諗住條題目，你ok咗就同我講。

Andy照著塔羅師的流程指示去做，然後就把最近和Priscilla的情感經歷仔細描述，務求結果愈準愈好，全程大概10分鐘就出了結果。

Andy：其實咁樣嘅，我就係覺得前面明明好地地，新年、情人節又出街，而且仲三日五日咁上佢屋企度玩；但唔知做咩突然話唔俾人上佢屋企，最近對我態度又冷淡咗。

Jasmine：所以你就想知道佢係咪真心鍾意你？

Andy：Yes，我都諗緊佢係唔係player，話曬一個女仔喺app可以同時識其他仔。

Jasmine：嗱，啲牌出嚟嘅結果係唔差嘅。
Jasmine：就咁睇啲牌就冇咩可能係player




Jasmine：如果係player，照常理就唔會有啲咁嘅牌出嚟。

Andy：咁而家係咩處境？

Jasmine：對方唔係好投入個感情。
Jasmine：我就咁睇就覺得，係因為大家之間嘅情感連結未協調到，所以先會咁。
Jasmine：例如係價值觀方面未協調到，對方可能係啲慢熱嘅人，而你又快又急，咁就好易俾佢壓力。
Jasmine：你就係要拆佢呢個concern
Jasmine：大家再相處多啲，溝通多啲，相信佢都感受到你嘅誠意。
Jasmine：你要做啲嘢表現誠意，唔好俾佢覺得你係player。

Andy：用時間去同佢相處？

Jasmine：時間證明都係其中方法，但溝通都有好多種方法，而家疫情冇得見面，你可以打下電話俾佢嘅。





Andy：我諗住送下啲平價，自己嘅手工作品。

儘管Andy有基本概念知道，不要成為女生的「資源提供者」，送禮無需貴價品，可以是很廉價的一根鎖匙扣，心意卡；但是他沒有意識到自己已經犯下一個錯誤。

物質上，手工作品的確是成本低，材料大多數用廉價付出就能從文具店裡得到；但是Andy打從決定像視藝科功課一樣，以為作品弄得愈高分，就愈能感動到Priscilla，結果在心靈層面上，投放過多的情感，甚至時間，去完成一件手工品，不知不覺走偏了路。

目前的對奕，Andy投入了3成感情，但Priscilla只投入了1成。感情世界一向都是：誰先投放多一分情感，誰就輸。

Andy：好認真講，我覺得佢對我嘅感情頂盡嗰1成。

Jasmine：愛情唔係咁理性㗎
Jasmine：你要慢慢同佢相處，唔好俾咁大壓力佢，最重要係誠意。