🔥 我係偽娘2.0 喺交友app上扮gay食女 🔥: Ch.2.1 到底，佢係咪真係鍾意我㗎？

-----轉第三者視角-----

Andy買好一盤「小雨點」後，便上到Priscilla獨自租住的家。

Priscilla：你今日唔係諗住女裝出嚟咩？

Andy：我今日遲起身，冇時間化妝嘛。

由交友app相識、見面至今，已經足足一個月；雖然Priscilla知道Andy是個女裝大佬，但是Andy至今仍然未試過在她面前，以女裝示人。





Priscilla：你次次都係呢件。
Priscilla：你冇其他衫㗎？

Andy：有呀，你平時冇見的著咋嘛。
Andy：我其實仲有件藍色牛仔衫嘅。

Priscilla：我都有件同你一樣質地嘅白色褸，不過拎咗去洗。
Priscilla：原本今日想攞出嚟著㗎。
Priscilla：如果唔係我今日就可以同你同顏色。





Andy：想情侶裝嘅，之後大把機會啦。

Andy有一頭熨過的自然韓式髮型，今天的他身穿白色、有點龐克風格的牛仔外套，下身則是淺藍色、蓬鬆又是牛仔質地的長褲。

論整體外表，Andy的五官有點天賦，在男生之算10分之中有7分。因為他有穿女裝的愛好，所以在「穿女裝習慣」這方面的加持之下，日常的打扮都會給人乾淨的形象。

Andy：嗱，呢個「小雨點」，送俾你！

Priscilla：哎⋯⋯
她一臉反起白目，無奈地反起白目，笑著Andy不懂「地球人」的常理。





Priscilla：你笨的嗎？
Priscilla：邊有人會喺情人節送埋啲咁嘅花㗎？情人節就梗係收玫瑰花啦！
Priscilla：這盤花也太醜了吧！

對Andy來說，自從8年前唯一一次在情人節送禮物給女生之後，自此就沒有甚麼送情人禮物的經驗。

他當然有著「情人節送玫瑰花」的這種常理，可是他這次沒有跟著直覺行事。

事實上，Andy在送禮物的時候，最糾結的是：又要做到「進攻」的效果，同時又不想顯得自己是在跪舔女生。

在這種情況，把事情想得太複雜，就當然沒有了正常人的思維。

Priscilla：不行了，讓我教教你民間常識吧。





Priscilla彷彿變成了姐姐對弟弟的說話語氣。整個氣氛，顯得更像是姐姐和弟弟的溝通。

Andy進攻不成，還被Priscilla反將一軍。

今天他們的節目，就是到銅鑼灣走一躺，來到希慎廣場。

Andy：唔餓嘅話，不如去睇無印先啦！

他們兩個，走進無印書店。隨便看看近期有甚麼新書出版。基本上，能吸引他們的，是書店裡的那種大地色系的裝修和光線，再加上背景音樂，能使一個人陷入安靜且沉思的環境。

基本上，能吸引他們的，都是吸引的書本封面，又或者是吸引的大標題。

Priscilla：呢本書好似幾好睇咁。

Priscilla隨手執起一本書，不久，他找Andy為她拍個半身照。





Priscilla：你幫我咁樣揸住部機，由呢個角度影落去。

儘管Andy有過自拍的經驗，但很少為人拍照，結果角度和燈光都拿捏不好，Priscilla一看，就知不行。

Priscilla：你咁樣咪影到我個身矮囉，你試下再咁樣揸機。

Priscilla翻開書本並雙手拿著，側身面著窗口站。

Andy再把手機擺得垂直一點，拍了幾張，才完成一張最好的半身照。