我的前世男友搞破壞: 兵仔？猛男？

風和日麗嘅日子，我哋擺好啲嘢，童童就逼不及待咁沖咗去海灘…

頭先抬行李就話腳軟，而家就咁好力，佢唔攰架咩。-_-||

不過講真，我真喺好佩服童童嘅電力，響海灘嚟講着背心短褲真喺唔算吸引，但佢竟然收到三隻兵仔，啊！唔喺，喺三位猛男先啱。

雖然我唔喺冇錢食飯，但有人請喺唔同啲嘅，仲要喺剛識嘅男仔喎！

點會唔滿足女仔嘅虛榮心喎。食咗飯就六丁友去踩單車。





好似未介紹個三個男仔添。

肥肥地，呆呆地，負責畀錢個個叫肥晞。

另一 個高高瘦瘦，幾陽光嘅叫阿文，全程跟住我後面，同我樣唔多出聲，淨喺掛住篤手機。

另一個口花花，成日借啲咦抽水，最鐘意痴住童童嘅咸濕佬叫賤銘。唔錯呀，我覺得人如其名喎。

相反，欣欣就掛住食，呢一點又同肥晞好啱嘴型。





就喺咁不經意就分咗三隊人。

大家一起踩住單車咁睇埋日落，順便食埋dinner,你問我邊個畀錢？

你話呢，反正就唔係我。我以為食完餐飯就sayorala喇…













【一個女人，倘若得不到異性的愛，就也得不到同性的尊重，女人就是這點賤。——《傾城之戀》】