獨自去偷歡的故事: 第十章：居酒屋

第十章：居酒屋



**************
凡係日劇同工作有關嘅，都係會有一大班同事一齊去居酒屋聯誼下，搞下team building 嘅活動呀，係戀愛萌芽嘅始發地，係激情動作誘發點。

以上所言係會喺飲醉咗之後先會發生。But過我可能觸發到個劇情⋯⋯

我哋一行大概12人，5男7女搭的士去咗Edith推介嘅居酒屋，亦都因為夾錢嘅關係，我哋搭的士所以先至唔貴嘅。



我哋分咗3架的士去，其中Cathy，葵同埋男同事一郎就同我同架車，車程其間我同Cathy一見如故，同我詳談唔同嘅話題，特別係性格方面。而葵就周不時插一兩句，咁我哋都係好有禮貌嘅香港人，我哋係會理會佢嘅。

「你覺得Edith點呀？」Cathy問。

「幾好嘅，份人又nice又charm，又靚，不過我已經有女朋友啦，所以⋯⋯」

「明啦，有你咁嘅男人都真係幾難得，係呢點解你會反而同日本妹一齊嘅？」

Cathy搖頭又好奇表示。



「err⋯⋯其實我同佢係一次嘅意外⋯⋯但係咁我係鍾意佢，佢幫我走出咗個困局⋯⋯」

「你⋯⋯係俾港女hurt過嚟？」

「唔～～」

「難怪，咁我都驚你俾葵食咗，佢各方面都太好⋯⋯」

「我明⋯⋯所以我會克制啲，保持清醒㗎啦！」



「但願啦！不過今日你係主角啵！都係要比其他人飲多啲㗎啦！」

「唉～～到啦！」

我哋入到去居酒屋就已經有房坐，上座之後，Edith就叫咗每一大杯Asahi啤酒，炸多春魚，西京燒，烤羊架，燒雞翼，炸雞軟骨&關東煮等，

「為咗我哋有新同事加入，飲杯！」

「Edith姐，以後多多指教，敬你嘅！」

我倆大杯一飲而盡，之後再食少少嘢(炸芝士薯波好味！），其他同事亦飲，葵佢就細細啖咁飲，對於美女，我係唔會話佢呢種行為係養金魚嘅！

但係又好可愛啵！



之後，我同咗其他男同事傾打芒亨嘅嘢，

突然一郎同另外一個同事憲博問我，係咪鍾意葵。

我當然話唔係，再三重申，我 已 經 有 女 朋 友 啦！「私にはすでに彼女がいます！」

到到最後，我飲咗3大杯，都算ok啦，但係火車尾班車都走埋，惟有住東京囉！而家就刻仆去check in 一個酒店應該唔太貴嘅。

「こんばんは、旦那、私はホテルを予約し、あなたのためにグラブしました！」

「ああ～～あらがとうございました！」

真係貼心呀！アメリア，翻嚟真係要好好滿足你呀！

好啦，我哋就散啦，聽日唔使翻office，淨係下晝有兩個會要開，所以我就都係返去先，之後葵就居然跟我車走，佢都好醉，我為咗佢安全惟有帶埋佢去酒店啦！





**************
(下回待續)