[HEHE] 難道和你一起真的是這麼難嗎？: －－－－－第一章：出櫃－－－－－

「曉峰，你過一過黎。」梓楠把曉峰叫到校園內的一角。
「我見你係我朋友，我先同你講。」
「下…你想講啲咩，懶係認真咁。」
「我係好認真。」梓楠再次強調。
「我係同志。」梓楠平靜地說出這四隻字。

當曉峰聽到之後，他未能及時回應，因為真的很突然。

「我唔知點解，可能我一出世就係咁，我亦都試過問我自己，點解我要做一名同志。但係有啲野係就係，冇得變。所以我今日就同你講，我希望你可以接受到我係一個同志。」
「一世人兩兄弟，同我講呢啲！無論點都好啦，我都一定會支持你架！」




「不過，你唔會鍾意我架下話？我唔係同志黎架啵。」

梓楠聽到之後，心坎裡震了震。

「唔會，點會姐，如果我真係鍾意你既話，我就一早講左啦。」
「嘩我點知你架，你成日冇啦啦都比啲驚喜我。」

其實於梓楠心中，一早已經預留了個大空位給曉峰住進來。

但此終防不勝防，當梓楠以為最安全的地方，其實才是最危險的地方。




他們想也沒想到，隔牆有耳。
此「消息」，於十五分鐘內，便傳遍整班。
二人回到班後，至知道原來有人聽到。
當然，同學們也很保守祕密，沒有向任何一人透露，但代價便是，梓楠不斷受到班中同學恥笑。