中六個年 我鍾意左叫我起身個女仔: 好人（三）

我望到完全係如入無人之境，係咩聲都聽唔到，眼中只得返佢迷人嘅身軀。

「你望完未呀。」佢一拳打喺我手臂上面。

我吞咗啖口水，眨咗眨眼：「睇完…啊唔係，你咩都未搞？」

「我唔洗頭呀，沖完涼就可以化妝換衫出門口。」佢拎住套衫行咗去廁所門口：「唔洗頭，應該好快架姐。」

「我企喺到等你？」





佢企喺到諗咗諗：「地方淺窄，你坐下格床啦，上格床我呀=16px媽架。」

成間屋一眼望曬，除咗床頭張電腦枱前面有張電腦櫈，就得返張床可以坐，但係張電腦櫈已經比大量雜物覆蓋，簡單嚟講即係我冇得揀。

我撥一撥條褲，之後就慢慢咁坐咗落佢張床到。

啱啱坐低，我就聞到一浸熟悉嘅香味。

我周圍聞咗聞，之後就伸手過去拎起佢張被。





我攬住佢張被，然後將個頭埋落去。

無錯，就係呢一浸味，同琴日聞到嘅完全一樣。

我沉醉喺呢一浸味裡面，感覺好似去咗紫丁香花田中間咁。

吸收足夠嘅氣味之後我Feel到成個人都精神曬、放鬆曬，就好似啪咗啲唔知咩藥咁。

為免吸收過量搞到好似吸完毒咁傻傻下，我抬返起頭嘗試搵其他嘢分散我注意力。





見床尾嘅窗台上面掛住琴日着過嘅Sport Bra同真理褲，我企起身行咗過去。

我將個頭擺喺兩樣嘢中間，想一次過享受兩倍嘅香氣。

好可惜，結果唔太理想。

因為洗過嘅關係，兩樣嘢上面都冇殘留半點向晴嘅體香，得返洗衣液嘅玫瑰花香。

唔係話玫瑰花香唔正，但係佢冇向晴體香嘅嗰一種魔力。

我企喺呢兩件嘢前面耷低頭，用手係咁捽個額頭。

我真係好失望，唔係，係極度失望。

不過調返轉嚟諗，邊有人唔洗衫架？所以呢…我都唔知自己期待緊乜鳩。





喺我仲企喺到失望緊嘅時候…

「呯！」

廁所門打開，我諗住即刻坐返落佢張床到，點知就唔知比咩棘親，一嘢趴咗落去。

「你…做咩？」佢呆咗咁企喺原地。