我想喺夜場搵真愛，你陪唔陪我癲？: 番外篇-占卜姐姐

聽完兩位朋友嘅教導之後，我又喺思考當中過咗一個星期。

今日，啊晴又搵咗我出去，不過係飲酒。

飲飲下，啊晴推咗我過隔離枱。

「做咩啊？」我完全唔知咩事。

「你玩啦，對面占卜師嚟。」啊晴一邊飲酒一邊講。





「吓，占咩。」

「就占復合啦。」對面嗰位占卜師姐姐補刀。

「都得。」

洗完抽完，排好埋個牌陣。

「你係咪要解牌？」我問佢。





「係呀，你想邊張先？」

「無所謂，順序啦。」

「咁開始啦。」佢繼續講：「你有冇諗過點解自己做極都唔紅，或者無自信？」

「因為我冇學歷，唔夠文學，錢又冇人又樣衰又矮？」我將對自己嘅睇法講曬出嚟。

「聽我講，做自己。」





「吓，我覺得我已經寫得好放。」

「你夠唔夠膽將你飲醉酒寫嘅Po出去？」

「梗係唔得啦。」

「咁咪係囉。」

「但我做自己唔會好唔文學咩？」

「信我啦，做自己嘅人最有魅力。」

「真係咩？」

「你有你獨特嘅地方，異於常人嘅諗法。」





「咁咪即係黐線？」

「錯，天才同瘋子只係差一條線，睇你點發揮。」

「所以我要？」

「放開一切包袱，想做咩都做咩，想寫咩就寫咩，你先會達到你應該要有嘅高度，其實你好勁，只係你睇住表面嘅嘢，所以先冇自信。」佢繼續講：「仲有同人相處要放開，唔好咁多內心小劇場，唔係個個都想呃你，其實好多人都想同你熟，但你摺埋自己。」

「明白。」

口講明，但事實上仲思考緊。