我想喺夜場搵真愛，你陪唔陪我癲？: 四十六.

我慢慢食咗幾啖，佢就拍咗拍我。

「做咩啊？」我問佢。

佢用電話Show咗個時間比我睇：「就嚟兩點喇喎，你唔洗返去咩？」

「唔洗啊。」其實要，但我唔想返去住。

「咁我一間陪你返去？因為我都要返馬鞍山。」





「好。」

我講就係一隻字，心裡面就係「好啊，最好跟埋我返去上堂，之後放學再去食夜晚，行多陣再去食糖水，最後送埋你返屋企。」

食完嘢嚟到地鐵站，我同佢企喺月台上面，佢喺到覆緊Whatsapp，而我就喺到望住佢覆Whatsapp。

拍緊拖嘅男人真係特別變態，睇住佢覆Whatsapp個樣都扯曬，如果個月台冇人真係揸鳩佢都似。

表面上我單純咁等緊車，事實上我內心默默地許緊一個願。





「港鐵你成日都壞，你今日可唔可以都壞下？」

我望過去顯示下班車幾時到個Mon到，只能講情況并唔樂觀。

「烏溪沙，即將到達。」

有少少失望，不過由佢啦，今日食個飯都夠開心喇。

上到車，佢就收埋電話。





「我一間要去醫院，你陪我等埋車先？」佢問我。

「好啊。」我摸咗摸佢個頭。

吓？無啦啦去醫院做咩？