我想喺夜場搵真愛，你陪唔陪我癲？: 二十七.

「我哋去沖涼？」佢問我。

「你沖先？」我攤喺床上面聖人模式緊。

「吓，我Expect一齊沖架喎。」佢起身：「浴缸咁大可以一齊浸。」

未試過浸浴，未試過同女仔一齊沖涼，更加未試過同女仔一齊浸浴。

簡單啲嚟講，好撚緊張。





佢去咗沖涼房開水，而我就繼續坐喺床上面聖人模式，同埋等佢開好水，仲有調整下個心情。

「喂，搞掂喇，入嚟啦！」佢喺沖涼房嗌出嚟。

我除淨條底褲，然後行入去，佢嘅身材就咁展現曬係我眼前。

34D，唔係纖腰但恰到好處，呢兩個已經夠重點。

「你做乜鳩啊？」佢坐喺浴缸裡面揞住嘴笑。





「吓，有咩問題？」我完全唔知發生咩事。

「你唔除，係想連埋條底褲浸？」

好似…又係。

我除咗條底褲，然後坐喺佢對面。

我感覺呢一切都嚟得好快，由我第一眼見到佢，去到我哋而家坐喺大家對面一齊浸浴，都只係過咗三日。





呢一切都好唔真實，但我享受呢一刻。

浸咗陣，佢突然開口：「我想洗頭。」

「我幫你洗？」我問佢。

「好。」

講完，我就行咗去佢後面。

我校咗下水溫，然後就沖濕佢個頭。

我唧咗啲洗頭水落手，然後…

我唔係好想幫佢洗。​​​​​​​