我想喺夜場搵真愛，你陪唔陪我癲？: 二十四.

我真係諗唔到有咩做，諗嚟諗去都只係諗到飲酒。

「飲酒？」我問佢。

「都可以啊，海旁有幾間Bar，而家仲有Happ Hour優惠。」

「咁你帶路啦。」

佢行喺我前面，帶住我去到一間喺海邊嘅Bar。





「我唔知有咩好飲，你睇下你飲咩就嗌多杯啦。」我同佢講。

「咁兩杯Old Fashion啦。」

幾分鐘後，兩杯Old Fashion上枱，我完全唔知佢點溝出嚟，老實講有少少驚。

第一啖飲落去，其實好甜，應該唔會出事。

飲咗一半之後，我Feel到越嚟越烈，而我都越嚟越唔想飲。





我偷望咗佢一眼，佢好似等緊我飲完咁。

無計，頂硬上。

我頂硬上飲曬杯嘢，埋單之後就同佢行咗嚟海邊坐。

原本行過嚟都冇咩事，一坐低啲酒精就開始上腦。

佢趁冇人摸咗我下面一下，我就即刻好似跳撚咗掣咁。





「你係咪想？」我問佢。

「驚你呀。」佢拎部電話出嚟。

我以為佢講下，點知…

「搞掂，行得。」佢Show個電話畫面比我睇。

佢真係Book咗，咁我都冇得唔行。

就咁，我哋又搭車返出去。​​​​​​​