我嘅職業係專溝人地個女朋友: 12.52

為什麼 人生要活得 那麼累？
該怎麼 討好每個人 每張嘴？
當按讚 和留言 定義了 我是誰
那快樂 是不是也需要 業配？
 
做自己 太有想法 有人白眼
但努力 迎合別人 也有人嘴
害怕被 誰標籤 而活成 那標配
不冒險 的人生是否 才危險？
 

我不需要每一個人 都愛我的一切
我只需要一次機會 為自己愛一遍
我相信即使不完美 a rock can be a star
沒流下那眼淚 怎會懂夢有多 珍貴？
 
 
「點呀? 今次個故仔寫成點?」李思柔緊張地問郭子安。
 
「嗯... 文筆望落去係好咗嘅~ 不過...」郭子安有啲欲言又止。
 




「不過咩?」李思柔追問。
 
「我覺得無咗你以前寫嗰啲故事嗰種觸動人心嘅感覺...」郭子安說。
 
「下...」聽到郭子安嘅評價李思柔難掩失望。
 
「你係咪諗得太多，加咗太多計算去討好觀眾?」郭子安問。
 
「想多啲人鍾意個故仔咁唔好咩...?」李思柔不解地問。
 




「唔係唔好，但當你太著重哩啲就會變咗無晒你自己一向嘅過人風格了... 然後無特色嘅故事又點會吸引到人呢? 當然，有啲人計算哩啲係好叻嘅，但我覺得你唔係哩類型嘅作家，你更適合走真誠直白嘅路線，因為你個人本身就好真。」郭子安講。
 
「但係之前寫嗰啲出版社都唔buy呢，話覺得唔夠貼近大眾化口味...」李思柔氣餒地講。
 
「咁你諗下當初你寫故事係為咗咩? 係想討好觀眾比大家睇啲千篇一律嘅嘢? 定係想比觀眾睇到你獨有嘅嘢? 我地其實無可能討好到每一個人，下下諗住對方會唔會鍾意咁創作亦好辛苦... 我想做導演，就係想比觀眾睇到我郭子安獨有嘅視野同演繹手法，如果拍到同其他導演一樣咁我寧願唔拍喇~」
 
「但真係好難呀...而且如果做完出嚟無人欣賞咁就講咩都無用啦...」李思柔灰心地說。
 
「做咩對自己咁無信心呀? 你都係失敗咗兩次啫~ 你要相信自己嘅實力同作品，更加強化你獨有嘅特質去吸引觀眾。記住我地做創作嘅，最忌隨波逐流，而我地做嘅嘢亦唔係為咗討好其他人或者哩個商業社會，而係要比到震憾同衝擊人，觸動到人個心。
 
如果有日我地選擇妥協，咁我地可能都會做到一個普通嘅作家或者導演，但就一定做唔到最top嗰班，所以如果真係想成功就忠於自己個心繼續努力啦!
 
嗱，為咗鼓勵你，播首歌比你聽下啦~ 都係喺你嗲哋啲珍藏搵出嚟㗎~
 
做自己 太有想法 有人白眼




但努力 迎合別人 也有人嘴
害怕被 誰標籤 而活成 那標配
不冒險 的人生是否 才危險~」郭子安緩緩跟住音樂唱去鼓勵李思柔。
 
 
「嘩，真係好熱血喎! 知道喇~」李思柔聽完都感受到鼓舞變得熱血起嚟。