我嘅職業係專溝人地個女朋友: 11.13

自從迷戀上善柔開始，我眼中就從未有過其他女仔，但經過衣晚後，我首次對善柔以外嘅女仔有左好奇心。
 
衣種好奇心令我唔再抗拒，甚至會有d期待同Kelly嘅相處同接觸，然後不斷咁降低我為自己而設嘅底線。
 
當Kelly再約我去食飯，我會諗都係朋友之間一齊出街食餐飯啫，無問題呀，我成日都會同friend食飯架啦，而且中間仲隔住張枱有晒安全距離，唔會有問題，所以我應約。
 
食完飯後嘅下一次，Kelly話有齣戲好想睇，問我可唔可以陪佢去睇。 咁都係同朋友睇場戲啫，無事架，我前排先同阿釗兩個一齊入戲院睇數碼暴龍，而且兩個位中間有個扶手隔住架嘛，唔會有問題，所以我應約。
 
咦?睇睇點解佢放低左個扶手然後就撓住左我隻手仲成個頭挨埋落我個膊頭嘅?
 




推開佢? 但咁好似好無禮貌仲會攪到大家好尷尬喎... 我估可能都係戲院冷氣涷佢又無帶外套啫，我唔主動做多餘嘅動作，自己坐好d坐懷不亂咁就無事啦...所以我由佢成齣戲都撓住我仲挨左落我度直至完場。
 
再下一次，Kelly有晚話有d悶問我可唔可以同佢出黎飲杯野。之前都飲過唔係第一次，無咩問題呀，朋友悶陪下佢都無可厚非啫，所以我應約。
 
飲完後Kelly問可唔可以送佢返屋企，我見夜麻麻Kelly又咁靚，作為Gentleman送佢返屋企都應該嘅，唔係真係有危險咁點算? 所以我就同佢一齊搭的士送佢返屋企。
 
不過去到佢樓下Kelly又話佢屋企人原來返左大陸，佢唔想自己一個喺屋企，問我有無興趣上去坐下再陪多佢一陣，佢話佢想親手沖杯咖啡比我當係答謝我送佢返屋企喎。
 
呀，衣個好似真係有d過界同危險喎...
 




但 Kelly盛意拳拳，拒絕好似會hurt到佢咁，而且都係上去坐陣飲杯咖啡啫，自己都有d興趣上去佢屋企參觀下，於是我就答應上左去。
 

咦，又話沖咖啡，點解會變左cocktail嘅?
 
咁靜不如開套戲睇? 都好呀，睇套戲分下心又算陪左佢。
 
咦? 又挨落黎? 不過... 好香...好鍾意佢髮絲同身上傳黎嘅香味...
 
嗯...好軟熟嘅嘴唇...咦，我到底做緊咩?點解我地濕吻緊?




 
真係好舒服... 我... 唔想再忍喇...