我嘅職業係專溝人地個女朋友: 10. 作者的話
話咁快又完左一個故lu~
衣個故嘅靈感其實確實係源自於”食煙”衣樣野。
我記得細個果陣，我同主角一樣都係覺得d煙好臭，加上學校嘅教育不斷灌輸我聽食煙嘅都係壞人，所以細個嘅我係好憎人食煙。當時嘅我亦覺得自己大個後無論點都唔會接觸衣樣野。
點知到到大學時代經歷左人生第一次失戀，面對女朋友嘅變心，當時嘅我頻臨崩潰邊緣。然後我同主角同善柔一樣，都生出左自殘衣個念頭。
當時好天真嘅我覺得傷害自己、變壞，做d對方唔會想我做嘅野，對方就會因為咁而覺得心痛同內疚。
我唔知衣個心態到底係因為想報復想傷害返對方，定抑或係因為想測試對方到底仲關唔關心自己，著唔著緊自己。
但因為咁，我食左人生第一支煙。
不得不說，食煙嘅時候，除左開頭有幾聲咳，之後嘅感覺確實唔錯。個人好似冷靜左，觀感稍為麻痺左，然後腦海中有一種平靜嘅感覺。
不過我並無上癮，之後最多都係好間中咁先同朋友飲酒時食一兩支social煙。
直至近兩年，因為屋企一d事我有段時間好唔開心，心入面儲落左好多鬱結，然後有日我係櫃桶竟然搵到包朋友之前漏低左喺屋企嘅香煙，於是我就拎左支出黎食，然後喺食煙嘅時間，我又感受到種放鬆relax嘅恬靜。
突然間，我開始明白點解咁多人會鍾意食煙。
不過唔好誤會，我唔係鼓勵大家食煙或者歌頌食煙，只係對我而言好似係多左份理解咁解啫。始終身體健康最重要，所以各位都係可免則免啦。
跟住有次食食下我就諗，或者可以寫一個故事主角係喺食煙衣段寧靜嘅時間入面擁有一種特別嘅能力。
不過到底係咩能力，諗左好多可能性但就一直未有定案。
然後有日聽到朋友失戀唔開心嘅故事，我又諗到底人有無無痛失戀嘅方法呢?
衣個問題我估其實好多人都諗過，而方法諗黎諗去亦都只係得一個，就係自己唔投入唔care，咁失去果陣都自然唔會著緊唔會痛苦。
跟住我又諗，咁如果係分手前被分手果個人可以先一步變心唔再鍾意對方，咁咪可以唔痛皆大歡喜囉?
於昰就諗到主角衣個職業出黎。
但要令主角可以完美咁做到衣個職業就必需要有一種能力先可以將件事合理化，於是我就直接將兩個idea合二為一成為左衣個故事嘅設定。
寫衣個故有d特別，係因為除左第一個故<只想和你愛一次>係純粹走劇情之外，基本上其他每個故我諗故事大綱果陣都會同時諗埋到底個故想帶出咩中心message比讀者然後先開始落筆。但衣個故就無，應該話係一開始果陣我諗極都諗唔到。
之後我就諗，雖然未諗到故事嘅核心訊息，但既然講開撓人長腳，咁不如就以此都講下情侶之間相處嘅一d重要元素啦~所以頭幾個小故事其實都係以此為重心希望可以帶出兩個人一齊有d咩唔同嘅重要元素。
至於善柔同主角嘅故事，其實純粹係因為要幫主角諗一個經歷去合理化佢點解會生出做衣個職業嘅念頭。主角個諗法好簡單，就係唔再希望有人會因為情傷而自殺。而點解佢會有咁嘅諗法，係因為佢有一個好朋友因為情傷而自殺。
有左衣個主軸，之後就係諗d細微位去補完成個故事。
因為善柔喺故事一開始已經死左，要令大家可以代入到主角同佢兩人之間嘅感情，就只可以利用二人之間嘅回憶。所以差唔多每個小故事，主角都會回想起佢同善柔嘅一d往事同對方教自己嘅道理，希望以此可以令讀者感受到二人之間深厚嘅感情。
到到善潼嘅部份，坦白講一開始係無咩點諗過。不過因為一開頭都係幾個小故事，我希望之後可以有返一個較長故事去寫下唔同嘅野，所以就有左善潼扮有男朋友引男主角出手衣個劇情。
最後將以上所有嘅野加加埋埋就出左衣個故仔喇~
不過有一部份其實我去到好後期都仲唔係好諗得掂，就係如頭先所講到底個故事最後想帶到個咩中心思想比大家。衣點之所以重要，係因為我都希望結局可以表達出到底主角嘅職業同諗法有無問題。如果有，咁個問題係咩?又點可以令佢醒悟?
如果一日未諗得到，一日我都好難寫到個好嘅結尾。
好彩最後都總算諗到然後就有左善潼對主角坦白後嘅下半段同埋最後嘅結局。
故事或者有好多不足嘅地方，不過都希望大家睇得enjoy，間中可以觸動到大家嘅感覺啦。
不知不覺原來都寫左五個故，衣個故其實我都做左唔少嘗試亦多左好多唔同人嘅第一身感受。不過寫寫下我就發現自己其實開始技窮，好似無咩新idea然後會重覆之前唔同故仔可能都出現過嘅橋段。
所以我諗除非突然好有靈感諗到個好故仔，唔係短期內我應該都唔會再寫愛情故了…
如果真係再寫，我希望自己可以作出一d新嘗試去寫下其他題材嘅故事，例如寫返個熱血武俠故? 又或者係懸疑推理故? 不過如果寫唔出，咁依個可能就會成為我最後一個故…
至於衣個故會唔會有後記或者外傳，我初步都有諗過下。 如果大家心水清，或者你會留意到故事入面有一個其實應該幾重要下，但就比我刻意淡化左比較描繪得少嘅角色…
不過每日寫3000-5000字真係唔係咁易，所以我都仲未決定寫唔寫，至少應該比自己休息返幾日先再睇下有無靈感去寫啦。
最後，多謝有睇衣個故嘅大家同埋有比過支持同鼓勵我嘅朋友~
有緣再見!