我嘅職業係專溝人地個女朋友: 8.12

其實我知我好矛盾，本身明明唔想立仁哥哥繼續咁落去，但我就為左滿足自己嘅私慾偏偏要佢繼續去做衣件事… 
 
不過跟住我又諗，自己會唔會可以透過衣個機會，同時間令佢捨棄衣個工作呢? 
 
只係一直我都未諗到方法，所以都係決定見步行步…
 
我都有諗過當立仁哥哥發現個女仔係我果陣，佢會唔會因為驚而選擇唔做衣單生意。不過好快我又諗，因為家姐嘅關係，佢應該唔會肯take任何嘅 risk比我有危險，所以就算幾驚幾唔想，佢最後都一定會出手。
 
只係我無諗過一開始佢會搵人去代自己執行衣個任務…
 




同預計情況唔同，Tony即刻打比我問我點算。不過冷靜過後我就諗通其實都無咩好驚，因為只要果個人唔成功，遲早立仁哥哥都係要親自出手，反而如果Tony堅持唔接受就顯得有d古怪同難解釋。
 
所以Tony接受左立仁哥哥嘅提議，而好快我亦收到了立仁哥哥久違了嘅訊息。
 
佢竟然親自出馬約我食飯，然後喺餐飯嘅時間就話介紹佢個朋友比我識。
 
平心而論，立仁哥哥介紹果個軒爺質素都真係幾高，高大靚仔文武全才又健談細心，如果我係一個普通女仔我估我都真係可能會心動。
 
可惜我嘅目標從來只有一個，所以好快我就向立仁哥哥表明立場-我係一個好專一嘅女仔。
 




其實從軒公為我預備嘅活動同行為，我就知立仁哥哥衣位軍師背後一定同佢做過唔少功課，將我以前好多個人喜好都話晒佢聽。
 
知道立仁哥哥仲記得我以前嘅野同喜好，我係開心嘅。可惜千算萬算佢都係忽略左一個因素 - 就係以前嘅我並唔係真正嘅我，而衣家嘅我卻已經變返以前嘅我，所以佢做嘅咁多野通通都亳無用處相反仲造成左反效果。
 
不過其實就算真係符合到我喜好，我都係會扮唔鍾意同唔接受，所以就結果黎講都係無咩分別，我都係唔會接受佢。