精子is money: 第143章 安撫

突然間林ＭＩＳＳ大喊出黎，呢個舉動的確令我有一刻不知所措，不過瞬間又回復正常，我再次從褲袋拎出一包紙巾俾ＭＩＳＳ，唔通真係俾我講中左？

「你……無事嘛？不如我買枝茶俾你解下酒，你坐係到等我啦。

我嘗試安慰ＭＩＳＳ。


數分鐘後，我已經從便利店買左枝綠茶俾林ＭＩＳＳ，此時林ＭＩＳＳ已經無再喊。

「點呀，飲完好返ｄ未？」



「點解仲有酒味既？好苦呀。」林ＭＩＳＳ半瞇眼嘟起個嘴表示枝綠茶非常苦澀。

「實係你飲得太多啦，飲到條舌有晒幻覺，好心你地啦，點解唔識飲酒都去飲既？或者係我唔識飲酒啦，我覺得酒真係好難飲，其實何必要咁辛苦作賤自己呢。」

「係我岩岩醉左果段期間我有無做出咩失態既舉動？……你無偷睇我呀嘛？

 
林ＭＩＳＳ無啦啦好認真咁爆左句出黎。



「無呀，我只係睇到一個醉貓咁款既死屍攤左係到囉。」

「點都好啦，好多謝你救左我。」林ＭＩＳＳ使出粉拳輕輕拍我背脊一下。

「救你？你又知我救你？哼哼，咁你幾時以身相許？

當然後半句話我並無講出口。

「酒醉三分醒嘛，你無聽過咩？」林ＭＩＳＳ懶醒咁講。



「係呢，你又搞咩飲到咁醉呀？」

「只係有少少唔開心，純粹想抒發心情姐。」

「發洩都有好多種方法架，唔一定下下都要飲酒既。」

「拿，我做你免費既樹窿啦。」


「其實最近我有個至親病左……」

林ＭＩＳＳ言談間流露出一臉擔憂的神色。

「我自細就失去雙親，沒有父母庇蔭，一直以黎只有佢悉心照料我，從小佢以前為左供我讀書，由朝做到晚，年終無休，日復一日，年復一年。」我望住林ＭＩＳＳ講到呢到有種欲哭無淚的感覺。



「老實講啦，佢已經一把年紀，難聽ｄ講句已經半隻腳入左棺材，都唔知仲有幾耐時間可以陪佢。」

「唉，我真係不孝。」此時，林ＭＩＳＳ眼裹泛起一片水珠。

「好啦，今日就講到呢到先啦。」

又係咁，令我諗起上次旅行日，林ＭＩＳＳ好似又係講講下又唔講，所以話女人心海底針係無錯既。

「係啵，一間得唔得閒？」林ＭＩＳＳ說。


我從褲袋抽出手機查看時間，不知不覺間已達零晨四點多。

「星期六喎，無話得唔得閒既，做咩先？」我說。



「陪我去醫院探一個人。」林Ｍｉｓｓ緩緩開口說。

 「乜你放假唔洗同女朋友仔去玩咩？聽講你同梓晴拍緊拖喎！係呢，搭單一問，其實你點溝到佢架？」
 
「你仲未講佢係邊個喎。」我嘗試轉移話題。

「益左你啦溝到校花，梓晴蝕晒底啦，不過你地拍還拍，總考試將近，成績係學生最重要既野，千奇唔好為左愛情而放棄學業，唔係既話你地將來會後悔一生。」

「係呢，岩岩嘔完個肚好空添，去飲埋個早茶時間就岩岩好。」

林ＭＩＳＳ完全無視左我岩岩句話，不過估唔到我身邊既人咁多都係同我一樣身世，唔係單親就係無父無母，咁樣計返我好似係入面最幸運既一個。
 
 「咁你自己入去啦，我去個洗手間先。」我說。