精子is money: 第141章　歡送會

「喂？林ＭＩＳＳ？」良久，林ＭＩＳＳ依然沒有應機，我唯有再次輕喚林ＭＩＳＳ。

「下？嗯？阿積你岩岩叫我？」林ＭＩＳＳ嬌體一震，這時我正好捕捉到林ＭＩＳＳ美目一轉，

我想她應該從渾噩中驚醒過來，縱使走了神的林ＭＩＳＳ依舊好看。

「歡送會？幾好丫！應該可以俾亦菲一個深刻既烙印。

「係喎點姐，ＭＩＳＳ你講咁耐你都仲未答你去唔去，我地依家要ＢｏｏＫ定人數啦。」



「我？唔洗預我啦，今日有ｄ事要走先，你地玩得開心ｄ喇。」

「仆街仔！唔飲得就咪撚學人飲咁多啦。」我扶起渾身酒氣的金天羽。

「咁…難得…吳…菲…歡送會嘛，今日都唔玩盡佢等幾時？都唔知以後仲會唔會有機會見添。

金天羽用盡吃奶的力斷斷續續咁講完呢句話。

「得啦得啦唔洗再講啦，你講到好似就死下死下咁，留返啖氣嘔好過啦。」



我不禁憶起岩岩歡送會既情景，個個同學都好唔捨得吳亦菲，無論男或女既都搵佢影相留念。

吳亦菲確係頗得同學們既歡心，佢親切近人既性格，再加上天使外貌魔鬼身材，

論外貌或身材亦不輸俾梓晴，吸引到無數異性狂蜂浪蝶，可惜啦咁快就要返美國。

「嘩啦嘩啦。」一股惡臭和食物殘渣從金天羽口中噴出，幸好並沒有落在我身。

「屌你！嘔都嘔遠ｄ喇，千奇唔好彈到我添呀。」



「頂，行路帶眼喇。」突然間，我聽到有把男聲對著某處呼喝，我望向聲音的源頭，是一家招牌寫著ＩＣＥ的酒吧。

酒吧門外有一群頭髮五光十色的男女，他們正對著某人指手畫腳，我亦不打算多管閒事，反正這年頭ｍＫ仔多的是。

「屌！撞到人都唔識講聲對唔撚住？」我認得這把聲音正是岩岩呼喝某人的那位人士。

佢好容易辨認，因為佢係一位高佬。

「哎。」一把清澈的女聲輕吟，女聲的主人貌似受傷了。

隨後，只見一位身材浮凸的女人躺在地上，我心諗條高佬正一死賤男，唔洗問都知一定係佢撞跌人先啦。

「嗯？咪住果個女人咁似林ＭＩＳＳ既？」我自言自語地說。

「阿牛你黎得岩喇，到你睇住佢先，我有事要行開陣，如果見到梓晴既話就幫我同佢講聲。」



我望著搖搖欲墜弱不禁風的林ＭＩＳＳ，想也不想立即趕過去。


「靚女乜咁唔小心呀？咁夜自己一個呀？不如等哥哥扶你返屋企啦。」

當我趕到過去就聽到高佬以１８０度大轉變的態度向林ＭＩＳＳ講，同時高佬伸出援手扶起林ＭＩＳＳ。


「放開個女仔。」我向著背對我的高佬說。

「哦，你朋友？唔好意思阿下。」此時，背向我的高佬雙手抱頭並禮貌地說。


「挑，我仲以為邊個大佬添，原來有隻阿貓阿狗係到吠。」當高佬擰轉身望到我態度轉為輕挑。



「我係鐘意摸丫！你吹咩？」高佬語氣同岩岩截然不同。


佢拉起林ＭＩＳＳ，係我面前撫摸林ＭＩＳＳ白哲雙手。

睇黎佢岩岩既舉動只係反射動作，無估錯既話佢一定成日俾警察或者大佬輩恰開。


「我講多次，放開我朋友，如果唔係我對你唔客氣！」我以低沉的聲線認真地說

「唷，你地聽唔聽到佢講咩？點解我好似睇唔到佢既？一個小學生都幾大口氣下喎。」

高佬這句話正好刺中我痛處，雖然我生得唔高姐，但又未矮到小學雞咁差阿嘛？




「哈哈。」高佬身邊群ＭＫ以恥笑聲火上加油，我的心情亦大受刺激。

高佬得勢不饒人，拉弓揮出右勾拳頭擊向我身。


「停手！」正當我要動手還擊既時候，一把聲音從我後方傳出，聲音令怒火中燒的我回復神智。

「嘿。」高佬愉快的笑聲以為拳頭會不偏不倚擊落我臉上。


電光火石之間，我立馬側身閃過高佬的拳頭，剛剛好避過高佬的拳頭，只餘下一陣風。

「四眼兄，好耐無見喎，身手依然咁ＦＩＴ阿下。」只見一個人從ＩＣＥ酒吧行出黎。