精子is money: 第136章 人云亦云

「但我……唔係好明要做乜啵。」金天羽即刻搖頭否認。

「咁都唔明？緊係將條片流出去啦，記住要擺係各大討論區同埋內聯網啊！明未？
 
「係啵未講完，記得要匿名Ｓｅｎｄ埋俾訓導主任老黃。」我回頭補多一句，然後獨自行去梳化坐低，一路行既同時係褲袋拎出手機。


嘟，嘟，嘟響左幾下，有人接聽左電話。

「喂，係咪香蕉媒體呀？我有獨家料要爆……」


 
「真係既？唔該晒先生，你既報酬會係七日內有專人通知你黎領取。」

「呼！終於搞掂晒。」金天羽伸左個腰身攤左係床上。


經過一輪折騰之後，我地似乎都忘記左今日原本既目的，身為金天羽師父既我一直都無乜點教過佢野，其實個心都幾過意唔去，如果有機會既話我一定會好好報答佢先。

「係呢，時候都唔做早啦，不如下次先再教你武功啦。」我望住窗外灰黑既天色。



「咁好啦。」我同金天羽各自各返屋企。

翌日，我一起身牙都未刷就即刻打開手機睇下咩環境先。


「嘩！短短幾個鐘點擊率破百萬。」我望住手機上香蕉媒體既其中一條片，畫面上正正係打左格仔既藍佑龍同女星ＶＩＶＩ不雅影片。
 
返學途中經過車站已經聽到好多路人開始討論緊藍佑龍同女明星ＶＩＶＩ酒店爆房件事。

果然不出我意料之外藍佑龍早洩既消息好快就傳遍全校，只係短短一個上午就成為左同學們熱話，可想而知科技確實係為人類帶黎進步，相反亦會帶俾人類更大既痛苦。



眨眼間已達午膳時間，當我去男廁洗手既時候，一打開門就見到一班ＭＫ仔圍埋一齊照鏡，不過我對此狀況已經習慣左，ＭＫ仔最鐘意成群結黨去廁所照鏡。


無錯Ｂａｎ１學校都會有ｍＫ仔，都係果句ｍＫ仔係無處不在，

不過今次ＭＫ仔中有個人幾眼熟下，應該就係同藍佑龍玩開其中一個富家子弟。

「喂，今朝有無睇新聞呀？」佢地一邊照鏡一邊梳頭咁講，而我就無理佢地直接行入廁格方便。

「係啵，講開又講藍佑龍今日無返學啵，唔通成件事都係真既？」
 
「藍佑龍？話知佢退學啦。」把聲好似就係平時同藍佑龍稱兄道弟果個人。
  
「你都傻既緊係真啦，有晒片有晒盛咁，仲有得假？」


 
「乜呀！依家科技咁發鬼達，改片有幾難？」發言者再次反駁。
 
「唉，廢事同你嘈，阿Ａ你又點睇？」
 
「我？我就信條片係真既，就算係假都只係條女身材假。」廁格外傳黎幾把男聲夾雜，我好留心咁聽佢地傾計。
 
「唔係喎！條女好似係真波黎，不過講開又講啦條女堅正囉，佢叫咩名話？」
 
「人地叫ＶＩＶＩ呀！大明星黎架。」
 
「哈，清純玉女ＶＩＶＩ都唔識？你仲敢話人地對波係真既？」
 
「喂！等陣，唔好走住，你話如果佢退左學既話，學校ｄ女咪屬於我地既？」