精子is money: 第一百零五章 切磋

「你係到坐下先，我入去通知社長。」數分鐘後，我坐係七樓某處，阿琪對住我講。

「好啦，你可以入去啦。」阿琪望住我講，途中我地經過一條好長既走廊，終於見到一道門，門外坐住一個人，呢個人耷低頭，我望唔到佢個樣，不過佢有個好明顯既特徵就係光頭。
 
「喂，望夠未？入黎啦。」阿琪對住我講，入到去之後，我見到有個人身穿黑色西裝坐係皮凳上面，我認得佢個樣，呢個人俾人既威嚴令人難以遺忘。

「雲哥。」我開口講，阿琪行去雲哥後面企，唔知點解我覺得阿琪並唔係雲哥既一般手下，我覺得佢同雲哥既關係匪淺。

「拿雲哥，呢張支票係之前差你果條數，依家我地無拖無欠。」我將寶拉姐俾我果張支票遞俾雲哥，俾完之後我先醒起張支票係三個月人工，我即刻有D後悔。



「嗯，幾好，幾準時。」雲哥隨意咁望一望張支票講。

「一個學生可以係短短三個月黎可以賺到咁多精子，的確唔錯，就好似當年既我咁樣阿下，不過呢條數好似多左少少出黎啵，不過唔緊要啦，多謝你先。」雲哥點頭讚我。
 
 
「嘿，唔好話我恰你，你想要返張支票都得，只要你同我玩個遊戲，你贏左既話我就無條件咁俾返張支票你，但你輸左既話張支票就歸我，所以我希望你會全力以赴，認真俾我睇下唔好令我失望。」雲哥講完之後露出一個壞

笑。




「咁……請問係咩遊戲呢？」我帶住少少緊張講。

「咁啦，我最近新收左一個手下，你打得贏佢既話張支票就還返俾你。」

「嗯？好，不過……只係切下磋炸。」我思考左數秒，最終都係決定左。

「無問題，點到即止。」雲哥一邊翹住二郎腿一邊點頭咁講。

「阿琪，叫佢入黎。」雲哥側身向阿琪講，究竟我要同邊個打呢？唔通係岩岩出面果個人？



「嗯，社長。」阿琪回應，原來雲哥就係所謂既社長，阿琪從我身邊刷身而過，我聞到佢身上既體香，好後悔自己點解唔入左張支票先黎，咁我就可以再次同阿琪綿延一番。

「唉！蠢左添。」我心諗

「雲哥唔係嘛，你就係要我同呢個學生哥打？」此時，阿琪已經帶住一個男人入黎，果然無錯就係岩岩坐係出面既光頭佬，光頭佬大約米七尾高到，高我成個頭，再加上佢臉上既刀疤俾我一種無形既壓力。

「嘿，睇下點，你輸左咁點？」雲哥冷笑一聲

「如果我輸左既話自廢雙手，任由你處決，但係……我贏左既話又點？」刀疤望住雲哥講，老實說不得不佩服佢，竟然敢以咁樣既語氣同雲哥講野，睇黎佢對自己有相當既自信心。