精子is money: 第九十九章 派傳單

「嗨，李生，點呀？身體好返D未？頭仲會唔會暈？」一個身穿白衣手持報告既男醫生行入病房並行去李右婷父親既病床邊講。

「好返好多喇，張醫生唔該曬你。」李右婷老豆回應

「請問你係？」醫生望住李右婷講

「我係佢既女。」

「哦，你好呀！李小姐，我姓張既。」



「張醫生你好，請問我阿爸點？」

「嗯，李小姐，介唔介意借一步說話？」

「好。」之後李右婷就隨住男醫生行出黎走廊，李右婷一見到我就啤一啤我。

「咁我去個廁所先。」我唔好意思咁摸一摸自己個頭，好識情趣咁行開。
 
「啊，舒服曬。」我打完個尿震，正去緊洗臉既時候，個腦諗返起岩岩李右婷係病房個情景，我腦海閃過一個念頭。




數分鐘後……我出現係地下繳費處。

「唉！死就死啦。」我猶豫左一陣，最終都狠下心。

隨後，嘟一聲係我耳邊響起，我……頭也不回直接慢步離開。

「喂，先生你張收據阿。」職員向我講

「阿，唔好意思。」我非常尷尬咁行返過去拎收據，就係呢個時候，李右婷就出現係我面前，就好似電影情節咁，不過佢並無撲埋黎攬住我。



「李晶積，你企係到。」李右婷從我手上搶走我張收據，收據上寫住4０2號病房病人李先生付費記錄。

「你……點解要咁做？」李右婷眼角泛起淚珠

 
「你無事呀嘛？」我從褲袋拎出一包紙巾遞比李右婷，一個男中學生緊係會帶包紙巾係身，以備不時之需。

「你係咪傻咖？3萬精……你知唔知好貴咖？」李右婷激動到不斷搖我膊頭，其實呢3萬精係我三個月人工存黎既精子，我好明白如果自己幫李右婷付費，自己就未必夠精還俾雲哥，不過最終我都決定左幫李右婷還。

「你做咩要咁幫我喎？」

「我同你唔單止係同學仲係同事，我當你係朋友，朋友有事緊係幫得就幫啦。」

「同學？朋友？同事？」



「咁你可以話俾我知其實發生咩事未？」

「你今朝明明就無返學，做咩要呃你阿爸？」

「我上午去左派傳單。」