精子is money: 第七十五章 合襯

突然間，我心入面有種好窩心既感覺，發覺自己真係好幸福，可以身處一間美女成群既學校，無論老師或是同學既質素都非常高。

「嗯，請問我係咪可以落床啦？」

「係呀，暫無大礙，不過之後你小心ｄ，盡量唔好做過份劇烈既運動，運動前記得要拉筋先，如果之後再復發既話，可以暫時用冰敷住，舒緩痛楚。」

「好既，完全明白，不過我想去一去洗手間先，唔好意思。」唐梓晴一邊講一邊落床，然後走出門口。

「好啦，坦白講，我岩岩見到你偷望呢位女同學一眼啵，點呀？係咪好正？」



「唔好玩我啦校醫姐姐，我邊有偷望呀？我一直都係合上雙眼咖好無？」

「你唔洗扮野啦，你唔講就算數，好啦你地返落去上堂先。」

「……！」原來呢個校醫早就知道我偷望唐梓晴，而呢個時候唐梓晴亦岩岩好去完洗手間返黎。
  
「校醫話我地可以落返去上堂啦。」我對住唐梓晴講，企圖轉移視線。

「哦，好呀。」唐梓晴說




就係咁，我同唐梓晴各自各行返落運動場，由於唐梓晴已經完全好返曬，我都唔好意思再扶住佢，所以我選擇同佢保持一段距離而行。

「係啵，唐梓晴同學，你無事阿嘛？」行返去運動場既途中，我嘗試撩女神傾計。

「嗯，無咩事啦，好多謝你。」

「依，係啵，你好，我叫李晶積呀！」

「嗯，你好呀！阿積同學。」



「無事啦嘛？又睇唔出你跑步咁快咖啵，有無興趣報學界？」陳Ｍｉｓｓ拍一拍我膊頭

「下，唔洗啦，今日我只係好彩炸。」我即刻耍手擰頭拒絕陳Ｍｉｓｓ

 
此時，一個高大白哲型男正前往我地既方向，我望住佢心諗，不得不說藍佑龍真係跑得好快，我跑到最後１００米既時候都唔夠氣同力，佢以４００米五十秒既成績完成今次既熱身賽。

如果係乙組至丙組既年齡層黎講，相信佢係學界拎第一名亦都無難度。

藍佑龍繼續向前行，行到唐梓晴身邊講左句：「Ｈｉ，唐同學，你無事阿嘛？咁岩我跑到去直路，見唔到你跌倒，真係唔好意思，如果唔係我一定會救你。」

「哦，唔緊要。」唐梓晴微笑

「我叫藍佑龍，好高興認識你。」藍佑龍露出潔白既牙齒微笑，同時伸出左手



「你好，我叫唐梓晴。」佢地兩個互相握手，而呢幕情景正正落入我眼簾。

果然，靚仔既魅力係無法拒絕，就連唐梓晴都拒絕唔到？就係咁，一對姓玉強中學既完美男神女神企埋一齊……我不得不說，真係非常合襯。