精子is money: 第七十三章 校醫

「Ｏｎ　ｙｏｕ　ｍａｒｋ.」我一聽到Ｍｉｓｓ嗌呢句既時候，心入面默默咁開始數：「一千零一、一千零二、一千零三。」數完之後立即全用身既力量去跑。
 
「Ｇｏ.」係我跑果刻即時有哨子既響聲，我仲以為我會係第一個跑出黎，我望一望我既左手邊，藍佑龍從內線追出黎，我地兩個由一開始既頭一百米已經拋離其他男同學幾個身位，我地既速度不分上下，

實力不相伯仲，佢加速時我又加速，我減速時佢愈跑愈快，跑到去２５０米既時候，已經超越左大部分既女仔，ｄ女仔已經停曬腳，索性企係到為藍佑龍打氣，根本無人估到我可以同藍佑龍並排。
 
跑到最後三百米，就連唐梓晴都已經被我地兩個超越，不過我無論氣同力都所剩無幾，剩低既只有意志，正要轉入最後１００米直路既時候。
 

「哎呀！」一把嬌聲從我背後傳出，我回頭一望，唐梓晴一面痛苦既樣子坐係地下禁住隻左腳，身體不斷抖震，我立即回頭用我最後既力量跑到唐梓晴既身邊，而藍佑龍就一直向前跑，直到跑到終點。 



「你無事阿嘛？」我用自問最溫柔既聲音凝望唐梓晴說

「哎，無咩事，只係有少少抽筋姐。」

「下？抽筋就抽筋啦，咩少少？有咩分別？」

「我送你去醫療室。」就係咁我扶住佢行完呢條一百米，周圍既男同學望到都咬牙切齒，以仇視既目光啤實我。

「陳Ｍｉｓｓ我送呢位同學去醫療室先。」



「咁洗唔洗叫多個人幫你地手？佑龍過黎。」

「唔洗，我一個人就夠。」

「好，咁你地小心ｄ。」


周圍既同學恥笑我輸左俾藍佑龍，不過我輸左場比賽，贏得美人歸，你吹咩？



醫療室係一樓，我一路好安分守已咁扶住唐梓晴，摸住唐梓晴白嫩細滑既手，我敢講呢刻自己絕無任何非分之想，非常純潔。

一陣風吹過，風吹落唐梓晴的絲絲秀髮，秀髮隨風微動，傳來縷縷的飄香味。我地終於到達醫療室，我依依不捨地鬆開手，將唐梓晴交給一個校醫，幸好校醫係一位女人。
 
校醫望左眼唐梓晴就冷冷咁講出一句：「肌肉痙攣。」