精子is money: 第六十七章　補習

我Ｃｏｐｙ同一樣既野連Ｓｅｎｄ左十幾句到，大約過左半粒鐘到，寶拉姐先至覆我。
 
ＰａｕｌａＬａｍ：Ｓｏｒｒｙ阿，岩岩行開左，部手機唔係身，我係屋企囉，做咩？

寂寞小雞雞：咁快去完返黎？（我一聽到有訊息響，就即刻打開手機秒回寶拉姐。）
 
ＰａｕｌａＬａｍ：係啵，唔記得通知你，今日唔洗去啦，唔好意思。
 
寂寞小雞雞：下，點解會咁既？
 


ＰａｕｌａＬａｍ：唉，無計啦，我地仲係一間細公司，無乜名氣，人地大公司緊係未必會睇得起我地呢間細公司，唔係應該用細舖頭仔黎形容先岩。

原本我仲以為真係會有公司贊助我地，原來呢一切一切都只係我自己諗多左姐。

寂寞小雞雞：咁都有？寶拉姐唔好咁啦，Ｓｏｒｒｙ阿，都係我既錯。

ＰａｕｌａＬａｍ：傻仔黎既，都唔關你事，洗咩Ｓｏｒｒｙ，唔通你傻左？

叮噹叮噹屋企既門鐘響起，我擺低左電話行去開門。





我一打開門就見到一個男人企左係門外：「依，林叔叔？早晨。」

林叔叔：「午安阿積，一睇你個樣就知你係岩岩訓醒啦。中午啦，太陽都曬到落屁股，後生仔訓咁多做咩，仲有你要多ｄ出去做運動，唔好成日宅係屋企，咁樣對身體唔好咖。」

「嗯，我下次會注意咖啦林叔叔。」
 
「林叔叔你入黎先啦，隨便坐。」我周圍望望，原來阿媽又出左去，跟住我又行返入自己間房，關埋房門坐係張床到。



「阿積，你係到做功課呀？洗唔洗教你做功課呀？」咚咚咚一聲傳入我耳中，林叔叔係我門外一邊敲門一邊講

「哦，我岩岩開學，暫時唔洗做功課。」心諗，我最憎既就係讀書，呢個林叔叔每次黎都成日幫我補習，不過每次阿媽都係到望住曬，搞到我唔溫都唔得。

「無功課都要溫書咖，不如你開門等我幫你補習啦。」



無幾耐我靈敏既耳仔聽到大門有鎖匙開門既聲音，我諗應該係阿媽返黎啦。

「好啦林叔叔我溫，不過要等我食完飯再溫，我好餓阿。」我講完呢句即刻打開門，衝出大廳迎接阿媽。

我望住阿媽手上拎住一袋二袋既餸，我即刻幫佢拎去廚房入面。
 
「喂～阿媽，等我幫你洗菜啦，你地坐陣傾下計先啦。」


 
「唔洗啦你地坐低睇陣電視先啦，我洗得啦，好快就有得食。」
 
洗菜加埋炒餸，煲飯前前後後大約十五分鐘到，果然真係好快有得食阿下，
 
縱使我個肚好餓，但唔知點解呢刻我好想阿媽煮耐ｄ。
 
不過我心中雖說不，但我口中卻仍然咀嚼緊檯面上ｄ食物，我認自己係一個衰仔，完全無骨氣，唔可以餓親自己，我好快手就搞掂曬檯上面Ｄ野食，仲食到好飽添。