精子is money: 第五十八章 三人幫

「嗯，果然無令我失望阿下，食落脆卜卜，皮脆肉嫩，唔錯唔錯。」
「呢位巴打真係感性，英雄所見略同，小弟都好明白農夫既辛酸佢既辛勞……不過你隔黎條女更加性感啵。」一個好有自信既毒撚對住我講。我認佢，就係岩岩話阿花定小露正果個巴打。
「喂，巴打。你好似比我更加感性啵。」我好認真咁向毒撚講
「嗯？」
「你……好似流馬尿啵。」
「唔係，我只係唔小心咬親條舌姐。」毒撚尷尷尬尬咁應我
 
「哦。」我隨便應左毒撚，之後低頭繼續食埋檯上碟豆腐火腩飯。
無錯，我好似遺忘左另一個主角，就係豆腐啦，就等我試下佢先。咬左一啖，
我即刻吐返出黎，嘩！屌佢老母，你叫我點撚樣食呀玉子豆腐黎既，中曬伏添。


「算啦算啦，我飽啦。」我都俾呢間餐廳搞到無曬ｍｏｏｄ。望一望阿花，佢呆坐係張檯台玩手機玩左成個鐘，我都好似遺忘左佢咁。
 
「阿花我地走啦，出去行街，唔該侍應埋單。」
女僕侍應好快咁趕到過黎：「多謝先生成為１２０精子，請問點樣付費？」
「拍卡呀唔該。」
「好既，無問題。」之後女僕遞左部拍卡機俾我
「多謝曬先生。歡迎下次光臨。」
嘟一聲，我拍完卡後，直接拖住阿花走，頭都無回就咁行向門口，
「歡迎下次光臨。」
「你要扶住我呀。」


「好既。」
「你記得要扶實呀！」
「得啦得啦，長氣。」
 
正當我以為會順順利利咁走人既時候，一群矮小既身影阻擋住我地既去向。
 
「哥哥咁快就走啦？你仲會唔會返黎探我地咖？」呢把聲咪小露？我望左眼，原來就係三人幫阻擋住我地去向。

此時小露同阿花對眼又再次觸電，我即刻好快咁拉走阿花，小露就扯住我唔俾我走，就係咁三個人持左半分鐘。企係小楓隔黎既女仔行埋黎，佢整走我同小露同埋阿花隻手。



「係你？」我依家先留意到呢個女仔，佢係三人幫之中唯獨無出過聲既女仔，佢帶住一副黑色膠框眼鏡，清純眼鏡娘娘Ｆｅｅｌ。我望住呢三個女僕，嗯，應該十五歲到，大約中二級。
「你叫咩名？」
「小嵐。」
「咁好啦，掰掰小露小嵐小楓，我真係要走啦。下次見啦，我要走先啦。」之後我牽起阿花隻手走出大門，唔好諗多左，只係見佢係傷者我先拖佢。
「咁好啦，掰掰啦……哥哥。」三人幫齊聲說，不過好似得兩把聲咁，唔理啦，由佢啦。