精子is money: 第四十章　情聊

出到酒店門口，寶拉姐對住我拋一拋媚眼：「Ｓｏｒｒｙ呀積仔，搵你黎過橋，你會體諒我咖可？真係唔該曬你陪左我成晚。」
 
聽到寶拉姐呢句既我混身唔自然，打左個冷震咁講：「唔洗客氣既，我明白你既苦處，其實你唔洗咁樣啵。」
 
寶拉姐：「咁你有無野做，不如同我去行下街？」
 
我：「唔得啦，下次先，我有野做要走先。」
 
寶拉姐：「咁好啦，如果有咩消息既話我會第一時間情聊搵你，記得睇訊息阿。」
 


我從寶拉姐眼中睇見到一絲絲既寂寞，咁又係既佢個女又唔理佢，依家男人又無埋。不過講真果句並唔係我唔想陪佢，

而係我真係要返一返屋企，廢事阿媽又擔心我去左邊，基本上我成晚都唔係屋企咁制，我咁大個仔未試過係出面過夜，第一次咁就俾左寶拉姐啦，唉。

我狠狠咁向寶拉姐揮手：「嗯，好啦，拜拜。」
 
 
之後我就向自己屋企方向進發，一路行既時候，一路低頭研究岩岩Ｄｏｗｎ落黎既情聊ＡＰＰ，成為低頭族既一份子，由於係假日既關係，周圍有好多人從我
 
身邊擦身而過，佢地望住我身穿既校服感到驚訝，皆因假日返學係犯法咖。而我就如旁若無人般一路行一路閃避途人，咁樣禁左手機大約廿分鐘到。



就到我屋企樓下既時候，我開左情聊ＡＰＰ其中一個功能「附近的人」，一開即時見到唔同人既男女頭像，有ＭＫ仔有中女，有賓妹等等，真係乜人都有。


禁左無耐我發現其中有條女頭像張相好吸引，佢唔同其他人既頭像，佢個頭像無樣，不過有佢既背影相，我覺得佢張相好獨特既風格，好有一種說唔出既味道。
 
點解咁吸引？因為佢身材誘人，從相入面可以見到佢若影若現既身材，腰幼長腿，我心諗佢實係靚女黎，所以我決定大膽咁加佢好友。

從我禁確定新增成為好友果個制，我個心有種無比既緊張，仲緊張過第一次扑野，我發覺呢個情聊ＡＰＰ真係太有趣啦，



太有吸引力啦，一向平時我都唔鐘意玩手機，呢刻竟然愛上左，就好似著左魔咁禁手機。