精子is money: 第三十六章 咪住……相機食先

呢個時候有另一個侍應見到我周圍咁望，佢應該以為我係到搵緊侍應，佢慢慢咁從我呢個方向行過黎。
 
侍應又露出燦爛既笑容：「你好，先生小姐，請問有Ｄ咩可以幫到你地。」
 
我對住侍應講：「Ｕｍ，我要一份歐陸式早餐要飲橙汁。」
 
侍應：「先生你要既係一份歐陸式早餐要飲橙汁。」我嗯左聲。
 
我再望住寶拉姐：「你呢寶拉姐？」
 


寶拉姐：「你話事啦。」

 
「咁呀，唔該我地要兩份歐陸式早餐，都係飲橙汁。係啵，靚仔呀我想問下你知唔知果張檯坐緊既係咩人？」我一邊講一邊望住果張檯既人，寶拉姐見我咁問都好奇咁望過去。
 
 「哦，呢位客人你真係有眼光，我偷偷同你地講啦，果張檯係我地老闆個仔既專用位，平時唔會開放俾其他人坐，只不過聽講今次老闆個仔邀請左當紅既女明星ＶＩＶＩ一齊共享美妙既早餐，

拓老闆個仔既鴻福我地先可以公然咁偷望ＶＩＶＩ，佢真係我地一眾少男既女神黎。」侍應一路講一路流露出滿面幸福既樣。老實講我望住佢個樣成個大叔咁，仲話自己係少男真係好撚想打柒佢。
 
我直接同佢講：「ＶＩＶＩ？我平時好少留意娛樂圈咖。」


 
侍應情緒有小小激動：「ＶＩＶＩ咪演藍歡女愛果個女主角呀！」
 
我心入面諗：「ＶＩＶＩ？藍佑龍？」
 
我認真咁問：「係啵唔好講呢個ＶＩＶＩ住，你指既老闆個仔係咪叫藍佑龍？」
 
 
 
「係呀，你點知咖？不過我老闆個仔平時好少落黎酒店，應該無人認佢先岩，唔通你係記者？」侍應露出驚訝既面色，即刻退後幾步講。


 
我指住自己套校服「醒下啦你，你望下我套校服先，我同佢係同學黎，你快Ｄ去落單啦，我地餓啦。」
 
「原來如此，失敬失敬，咁我去做野先。」侍應講完呢句就禁左幾下手上方形既落單機，之後行走左。
 

無耐，就有兩個傳菜既人拎左兩碟歐陸式早餐黎，賣相不錯，我正想試下味道如何既時候。寶拉姐話：「咪住，等等。」之後佢從手袋拎左樣野出黎……

寶拉姐從手袋拎左部手機出黎，佢開著左部手機，手機發出白光芒。寶拉姐話：「唔好咁急，影返幅相先啦。」

寶拉姐遞左部手機俾我，示意我幫佢同Ｄ食物影相，我幫完佢影後，佢又話要一齊影返張合照，咁我都無問題。
 
佢渣住部手機禁左個制，手機轉左做自拍模式，手機既屏幕顯示出我地既樣，寶拉姐：「準備好未，３２１笑。」
 
影出黎相入面既佢有幾分稚氣，而我亦影得幾帥氣，不過我完全沒表情，而寶拉姐就扮鬼臉，個樣就同林舒寶差唔多，講真果句都幾可愛既，可愛得黎又有女人味，完全唔似３Ｘ歲。