精子is money: 第二十六章 著衣ＦＵＣＫ?

阿琪冷冷淡淡回應：「嗯。」睇黎佢係個冰冷美人。
 
突然間，坐係我隔黎既林舒寶用好平靜既語氣爆左句：「其實我都可以幫手咖啵，我個晶片都有轉帳功能，而且……件事都因我而起。」聽到呢句既我都打左個突，心諗乜我真係咁有魅力？
 
我望住林舒寶，呢個時候佢雙手已經無再抖震，露出一個自信既神色，我望住佢個樣，佢個身材，總係覺得好似一個人咁。我再望下阿牛，見到阿牛眉頭一緊，唔知係到諗緊咩，唔通阿牛真係鐘意林舒寶？
 
雲哥大笑：「哈哈，仲好，兩條女一齊上，可以快Ｄ搞爆佢添。」
 
雲哥大笑過後轉返嚴肅既樣講：「好啦，要快手小小，起程啦你地。」佢指住附近既公廁。
 



我地三人齊聲：「嗯。」
 
我同阿牛同埋林伯講左句：「係到等我。」之後就同阿琪同埋林舒寶向前行。
 
大約一百米到就行到雲哥所指既公廁門口，呢個係男廁黎，我叫佢地兩個係出面等我，我自己入去探下有無人先。入到男廁，不但一Ｄ尿臭味都無，反而仲有陣陣既清香添。

我周圍咁望下，都算幾乾淨，地方夠大有冷氣，又真係幾舒服啵。最重要既係包埋洗手間，如果遲下我無地方住都可以考慮下呢到，唔知有無人係到住呢？
 



「啊！唔係啵，呢到本來就係公廁。」我自言自語咁講，呢刻我先醒返起入黎既
 
目的係要睇下有無人。我大嗌：「有無人係到阿喂？」洗手間內傳出我自己既回音「有無人係到阿喂？」無人應我，睇黎無人啵。

我心諗：「係啵，相信無人會無啦啦屙屙下屎尿隨便咁應個陌生人，條友仲要問埋Ｄ咁白痴既問題添，頂！諗返起都覺自己傻。」

我唯有行去查下所有既尿兜同廁格睇有無人係到。幾分鐘後，我伸手示意阿琪同埋林舒寶入黎。
 

阿琪同林舒寶入到黎後，林舒寶好自動波咁除自己身上既衣物，呢刻既林舒寶仲猴琴過我，而阿琪無出聲郁都無郁，純粹呆企左係到唔知做乜咁。


 
「喂！咪住唔好除，著返佢。」我指住林舒寶拉開左一半拉鏈既外套講。
 
林舒寶：「嘩，睇唔出你條友鐘意著衣ＦＵＣＫ？我雖然試過好多種姿勢，但係都未試過著衣ＦＵＣＫ囉，個感覺點？爽唔爽？會唔會好怪咖？」