精子is money: 第11章　唐梓晴的微笑

好啦，依家分配座位， ＸＸＸ你坐呢到，ＸＸＸ你又坐呢到，而我就被人分配左去坐正中間，阿牛就坐我後面，同白少添同一行，白少添坐最左既後面，阿花就坐最右手邊既中間果行，各位同學有無異議？
 
白少添大嗌：「有呀！Ｍｉｓｓ你好似唔記得左個人，咁新同學坐邊？算啦，坐我呢邊，我蝕抵Ｄ教佢做功課啦。」


 我周圍咁望下，發覺周圍既位都所剩無幾，得返我前面個位，白少添前面個位，同埋阿花後面個位，呢三個位。
 
林Ｍｉｓｓ：「各位同學，依家剩返幾多個位？」
 
白少添答：「三個，林Ｍｉｓｓ就派新同學坐我前面啦，坐我呢到實無死，我成績好，品行又好。」


 
我突然間靈機一觸咁話：「點解唔俾新同學自己揀座邊個位呢？一定要限死左佢坐邊度咩？」
 
林Ｍｉｓｓ：「嗯，又幾岩，咁新同學你想坐邊？」
 
唐梓晴指住我前面個位話：「咁我坐呢到啦。」
 
林Ｍｉｓｓ問我新同學坐我呢到有無問題，我答左句無問題。
 
林Ｍｉｓｓ：「咁好啦就咁決定。」


 
白少添好唔憤氣咁講：「阿花後面仲有個位啵！Ｍｉｓｓ，女仔同女仔坐好照應Ｄ。」
 


其實我暗地裹偷笑，諗返起西方國家最鐘意自由，係外國留學既果然都鐘意自由阿下，唔知唐梓晴既思想同埋行為又會唔會好似西方國家咁開放呢？」
  
林Ｍｉｓｓ：「好啦，新同學你返去自己既座位，坐低我地要處理少少班務，搞掂曬就可以放學。」
 
唐梓晴行返去自己既座位時候，佢對住我微笑Ｓａｙ　ｈｉ。周圍既男同學嘩左聲，好似好羨慕我咁。


 
我表面上好冷淡好隨便咁應佢一句Ｈｉ你，跟住低頭做自己既野，誰不知我心底下比誰都更要激動，我完全平靜唔到自己既心情，女神係呢間學校講既第一句
 
Ｈｉ竟然係同我講，呢種感覺就好似拎左佢塊處女膜咁，呢個時候我已經ＦＦ以後有更多既機會同女神接觸，一諗到呢到我就好開心。