精子is money: 第8章　白少添

我拓住個頭係到望周圍既人，心入面諗：阿花全名叫楊明花，佢成績以３Ｅ班黎計算係中等，身材算係３Ｅ班比較豐滿既一個，如果話３Ｅ班仲有咩人身材豐滿？

我數下手指都最少有３個，其中兩個係孖生姊妹，佢地其中一個叫李秋波，另一個叫李冬波，無論佢地既身材樣貌定性格都好相似，係典型既肥婆樣。唔係！
 

大家話曬同姓，我唔應該叫佢做肥婆既，而我又分唔清楚佢地邊個打邊個，唯有將家姐叫做大波，細妹就叫細波，果兩對姊妹又無反對啵。就係咁叫叫下就全班
 
同學都跟住叫佢地做大細波。佢地兩個平時係唔會分開行，做咩野事都會一齊去，無論食飯、去洗手間、定溫書定咩都好都係一齊做。
 
 


另外一個身材豐滿既人並唔係肥婆，佢係一個肥仔黎。佢個名叫做馬王，馬王對自己成績好有要求，有次佢失手考唔到第一名，拎左第二名既佢拎到試卷成績果
 
刻當場喊左出黎，我地都望到呆左，自此後佢次次都考到３Ｅ班第一名，所以我地冠上博士之稱比佢。至於邊個拎左佢第一名？呢個係上年既事嚕，Ｆ２果年岩
 

開學，佢由Ｂ班降級入左Ｅ班，佢以高傲既心態話Ｅ班？唔洗溫書都考第一名啦。就係咁果次既考試就俾我死黨阿牛拎左第一名，阿牛全名文子牛，成績不凡，係３Ｅ班成績名列前茅果幾位，

只不過阿牛平時放學都要去打工賺精，邊有時間去溫書。我同阿牛都係住貧民區，佢同我係鄰居，我同佢由細玩到大，所以佢阿媽同我阿媽好熟下，至於我地點解咁熟？因為我地都係同病相憐……

點解同病相憐？阿牛屋企係單親家庭，阿爸係佢好細個既時候就走左佬，只係得返佢阿媽養佢，呢個係阿牛親口同我講既秘密。因為缺乏男人既精子，所以大多


 
數母系單親家庭係住貧民區，而我屋企都係得阿媽養，聽我媽講我老豆係一名非常出色既特工，佢係我三歲果年接左個任務，直到依家都未返黎。呢個時候我打
 
 
開自己個銀包，望住一幅相，呢張相係我三歲果年影既，我係獨生子，果年一家三口影既相。我老豆相中幾靚仔，所以我都遺傳到佢咁靚仔，
 
只不過我無佢咁高，佢起馬有米八，唔緊要，可能我未發育姐。我媽個樣同十三年前無乜點變，可能保養得好，至於點解保養得好，我就無過問啦。
 
 
「依，四眼積都係到啵，今朝你威啦，活生生上演一套無碼中出啵。」呢把聲係我最唔想聽到既聲，就係今朝串我青頭仔既有精人之一。



佢叫白少添，持住自己屋企有幾分精就恰鳩人，典型既欺善怕惡，點解我會咁嬲呢，就係我之前俾佢恰過。其實佢屋企都唔算好有精果種，

不過佢有三個阿哥，仲有個阿爸添，所以佢唔憂無精用，我諗佢算係中階層人家庭，不過都比我屋企有咖啦。
 

「添哥添哥今朝我錯過左Ｄ咩正野阿！講黎聽下得唔得先？」岩岩呢個開口講野果個就係白少添既跟班之一，

佢個名叫陳華，係白少添既軍師，如果要恰人既話佢就出諗方法。