港足守護神和他背後的守護神: 58 - 薯條唔落鹽
今天出門時，我收到了一個WhatsApp。
陳慧恩
06:49 你有冇冷衫呀
我
07:01 有呀 做咩
陳慧恩
07:02 冇 純粹戲院個冷氣好凍
我
07:17 多謝你先👊
今天我繼續和戴榮昌、李卓軒、林振照、方國偉吃午餐。
想不到，我們為了薯條的鹽這部分作出激烈討論。
林振照：「啲薯條冇味嘅，一啲鹽都冇，有冇搞撚錯。」
方國偉：「我琴日嚟食嘅時候，啲薯條入面有好多鹽，做乜今日冇曬咁搞笑。」
此時，戴榮昌說：「薯條唔落鹽正呀，真正好食嘅薯條係唔應該落鹽。」
我馬上回應：「呢啲係咩邪教嚟，有乜可能食薯條唔落鹽。你不如果隔離街市買個薯仔食算啦。」
李卓軒表示：「就係呢條仆街仔喺前面落單嘅時候話薯條走鹽，搞到唔知點解後面啲薯條全部冇鹽嘅。」
戴榮昌表示：「咁麥記炸薯條嗰啲人對無理由淨係炸一個中薯條唔落鹽，所以後面嗰幾個都會冇鹽好正常。」
林振照表示：「搞撚錯，搞到啲薯條冇曬鹽。」
戴榮昌回答：「薯條唔落鹽正呀。」
李卓軒大聲地說：「邪教。」
方國偉此時說：「你咁鍾意唔落鹽你食埋佢啦。」
xxxxxxxxxxxxxxxxxxxxxxxxxxxxxx
不知道你們有沒有遇過這一個問題，就是學校的規定：學生一定要穿著整齊校服回校，在上體育課前才在更衣室更換體育服。這一個垃圾規定，導致學生要額外拿一袋體育服回校，加重學生負擔。
這一年，我們班的體育課編排在最後一課。縱使學校有這一個規定，我在開學以來已兩次無視，直接穿著體育服跑出學校。
今天我故技重施，回到班房拿到書包後馬上跑出去。
此時我看到電話中的訊息。
陳慧恩
15:45 我喺隔離街屋邨嘅巴士站
我走到巴士站，離遠看到穿著體育服的陳慧恩。紮起馬尾的她面色稍為紅潤，可能是因為剛剛完體育課的關係。
不知不覺間，原來我已經站在原地超過五秒，視線也轉移到她體育服短褲以下的位置。
我回過神來後，跑到巴士站。我走到陳慧恩旁邊：
「咦，你唔換返校裙嘅？」
陳慧恩帶著奇怪的笑容說：「做咩呀，你好鍾意我哋學校件旗袍咩？」
我表示：「唔係，這些好奇下點解你好學生點解會好似我哋啲壞學生咁樣，着著見運動服直接走出嚟。」
陳慧恩說：「本身呢個規定都低能㗎啦，同埋我懶呀，唔想換嚟換去。換嚟換去咁我哋咪趕唔切去睇戲？有車喇。」
我們會去看四點場。正確來說，是陳慧恩提出這個時間的。他說這個時間其他學校的學生未放學，否則晚一兩個小時的場次肯定全員滿座。
在小巴上的時候，陳慧恩忽然捏著我的手臂，說：
「你唔係做運動㗎咩，咁瘦嘅。」
我望向她白滑的手臂，清晰地看見她的肌肉。
「確實，妳大隻過我。」我回應她。
到達戲院後，果然如陳慧恩所講，人數並不多。
我們兩個在後排坐下，本來我希望出去買爆谷，但是由於電影很快就開始，我最後打消了這一個念頭。
電影播映期間，我看到陳慧恩縱使穿了冷衫，身子依然縮起，看來她仍然很冷。此時我在意識到自己也感到十分冷，而忽略了放在書包裏的冷衫。
我馬上穿起它。
在電影播放結束後，我們二人在討論劇情。
我：「新聞從來冇提過許紹雄，明明佢一直配音阿燥，非常非常入戲。」
陳慧恩說：「我反而對王菀之把聲幾深刻，佢嗰把音聲細氣嘅聲音同阿愁係絕配。」她繼續說：「其實我一直喺度諗緊一樣嘢，究竟腦入面係咪都有呢5個腦朋友住喺入面呢？」
我表示：「係都唔頂，人係複雜嘅生物，常言道百感交集，嗰日可能呢幾隻嘢同時存在。」
陳慧恩此時說：「咩呢幾隻嘢，佢哋有名㗎。嘩，我架小巴到喇，下次再講啦拜拜。」