港足守護神和他背後的守護神: 51 - 王基基

半分鐘後他回來，我詢問他拿了甚麼食物，林振照回應：

「我攞咗包薯片。」

正當我們在吃宵夜的時候，李卓軒突然說：

「仆街俾人昆咗。」

方國偉問：「搞咩食個宵夜都俾人昆啊？」





李卓軒回答說：「合味道出咗隻辣番茄杯麵，伏到仆街。」

我表示：「近排高登上面好多人話辣番茄味好on9，你冇睇到咩？」

李卓軒回應：「聽過，但都想買嚟先下。」

林振照則開啟嘲諷模式：「傻閪，咁多人提你都係要買，抵撚死啦戇鳩仔。同埋我想講，出前一丁好過合味道囉。」

吃著出前一丁黑蒜油杯麵的我馬上附和：





「梗係啦，淨係包麻油都值回票價。」

李卓軒表示不同意：「我都係鍾意合味道多啲嘅，出前一丁杯麵有陣塑膠味。」

方國偉和議：「冇錯，同埋我鍾意合味道出個啲味多啲。」

在討論這個話題的時候，我們經過中場休息後開了槍game pubg。

李卓軒詢問林振照：「你而家係咪用緊數據玩pubg。」





毫無意外，林振照又再需要面對wifi被母親關掉的狀況。

林振照回應：「係啊，老母熄咗wifi。」

我問他：「我記得你講過話每個月係買數據卡。你啲數據唔會用曬咩？」

此時，林振照語出驚人爆出一句金句：「我唔驚數據有限，我驚數據慢！」

這句十分精闢，卻沒有回答問題。

但是我沒有追問，因為我們隊被追殺中。

我呼喊他們：「幫手，我畀人隊冧咗，條友喺山嗰一邊。」

但是最後的結局竟然是：我們四個人被一個名叫「王基基」的玩家團滅了。





憤怒的方國偉大聲說：「檢舉，外掛！擾人行為！惡意使用bug！」

我們無言以對，同一時間我亦借機向這一位「王基基」發送交友邀請，好驗證他是不是AI。

我們也換了遊戲新推出的「戰爭模式」，這是在「娛樂模式」當中的。正當大家專心地用Kar98狙擊槍殺人的時候，我則沿着圈邊搜索斷線的人。

此時，方國偉突然提起：「我見到葉振華可以去職業球會嘅青年軍，所以我琴日去咗報名傑志青年軍嘅試腳。」

我說：「吓？估唔到喎。」

林振照說：「你哋就好啦，踢得咁好，球探可能主動搵你，你試腳又有可能踢到職業隊嘅青年軍。」

李卓軒此時說：「唔係呀，你都可以去試腳㗎。」





林振照連忙回應：「咪玩啦，我點得呀。我都係後備料嚟，我自己知自己事。」

我表示：「說話唔係咁講呀，你唔試過又點知呢？仲有，你應該係呢一年入面球隊進步最神速嘅一個。曾幾何時，你所有預判都失敗，傳波尺寸錯曬，完全唔識頂頭槌，但係而家基本上呢啲弱點都唔存在。」

方國偉接著說：「加上你本身速度快，你諗下你喺陸運會同其他學校嘅人跑都叮噹馬頭。仲有，你跑足全場都唔會攰。“汕頭簡迪”喎，去試下腳囉。我記得嗰一次潘sir講過話深水埗區隊青年軍有試腳機會，而家應該未截止㗎，你可以去報下名。」

林振照表示：「好，咁我考慮下囉。」

不知是不是開心的時間過得特別快，我覺得暑假過得很快。

同一時間，我也意識到有很多暑期作業，我甚至沒有翻開過。

我真的不理解為什麼暑假需要有暑期作業。從暑期作業中學生又不能學到很多東西，唯一的作用就是向學生添加壓力。

最可怕的是有些同學在假期開始的時候竟然不是去玩，而是去做暑期作業。





例如陳慧恩，在快要開學的時候大家都在社交媒體上詢問其他人完成暑期作業未，大部分人也在「臨急抱佛腳」，但是他表示一早已經完成了，簡直不可思議。

我在最後幾天才開始動筆，幸好能夠及時完成。

我知道有很多同學也是在最後幾天才開始動筆的「戰友」，可惜有些人未能及時完成，在開學日「陣亡」，無奈要欠交。