港足守護神和他背後的守護神: 41 - 球探

林振照把球射向中間，但是這球幾乎完全貼地。

危險！根據我的經驗，對方門將的腳可能會碰到皮球，然後讓皮球彈出球門。

幸好，皮球進了。

5-3

「嗶！嗶！嗶~」





球證鳴長哨示意比賽結束！

決賽！我們汕頭工商總會中學歷史性殺入決賽！

所有球員，連同後備直球員和領隊潘sir也衝進球場，並且壓在四日最後一球12碼的林振照身上。

我也和白石、陳兆偉等擁抱，慶祝這個歷史性時刻。

我們慶祝了一段時間後，邊全對一起回到更衣室......





繼續慶祝！

隊長李浩強在上半場被喇沙球員飛鏟而傷出，經過包紮和繃帶固定後回到了更衣室休息。慶祝怎可能沒了他呢？

我向李浩強表示：「我哋入咗決賽喇隊長！」

李浩強說：「太好喇，我哋過關斬像贏咗幾隊強敵，有人話我哋係黑馬，又有人話我哋係符碌，但係贏到上年亞軍點睇都唔係靠運咁簡單啦。你哋話係唔係？」

「係！」我們齊聲回答。





李浩強繼續說：「不過我就同唔到你哋一齊踢決賽呀......」

陳兆偉問：「點解呀隊長？你嘅傷勢係咪好嚴重？」

李浩強回答：「未至於好嚴重，不過至少要休息兩個月，應該同唔到你哋一齊打決賽喇......不過我就完全唔擔心喇。

首先，林振照！」

「係！」林振照連忙回應。

李浩強：「今場波你臨危壽命被換入嚟，打得好好！決賽要繼續咁樣打！知唔知道？」

林振照回應：「係！」

李浩強繼續說：「另一方面就係，由於我同唔到你哋繼續踢，所以我哋將會任另一個新隊長。領隊？」





潘sir：「冇錯，我正式宣佈葉振華會成為我哋球隊嘅新隊長！振華，你用隊長嘅身份講兩句。」

甚麼？

我還沒有準備好，仍然沉浸在瘋狂慶祝的愉悅感中。

這個時候其他球員用力鼓掌，白石更說：

「你今日打得好好呀，全靠你咋！」

這個情況之下，我只好站起來說兩句：

「大家今日都好努力，付出咗200%嘅努力，贏波係我哋全隊人嘅功勞。決賽對住邊一隊都好，我哋都要用返呢一個精神打好場比賽。所有人都冇諗過我哋行到嚟呢度，我哋一齊行埋最後一哩路啦！」





「好！」大家一起鼓掌。

方國偉此時說：「係喎大家，我啱啱喺電話度望咗隔離嗰場嘅賽果，男X萃6-2大炒華X入決賽。我哋決賽對男X萃。」

李浩強：「上年我哋輸咗3比0俾佢哋，最後出唔到線。今次我哋一定要報仇。」

陳兆偉：「今年我哋個陣容強咗好多，一定要畀啲顏色佢哋睇。」

我們隊球員慢慢從更衣室離開回家，此時潘sir說：「葉振華，你留低。」

這句說話可是似曾相識，還記得踢完隊內練習賽後，潘sir叫我留下來。當時我以為他準備隊有失誤的我破口大罵，但竟然是稱讚我。

這次又是因為什麼事呢？

在其他球員離去後，潘sir對我說：





「有個人想搵你，你跟一跟我嚟。」

潘sir帶我到旁邊的觀眾席，有兩位男士仍然在X山道運動場的觀眾席未離開。

這兩位是......

他們的臉孔似曾相識，好像在哪裏見過。

潘sir：「喂，智堅，點解你都喺度嘅？」

其中一人說：「係呀耀卓，咁啱得閒咪同阿道士過嚟一齊睇呢場波囉，你啲球員真係踢得好啊。」

潘sir回道：「客氣客氣。係喎，坐呀葉振華。」





我坐在中間，潘sir在我的右邊，左邊兩個是那兩個陌生的人。

坐在我左邊旁邊的首先開口：「咁等我介紹下自己先啦，我叫做山道示，你可以叫我山sir。我係東方U16嘅教練，我今日嚟係為咗考察你嘅表現。」

坐在山sir旁邊的男士開口說：「你叫葉振華係咪？都幾好波呀。我自我介紹返先，我叫李智堅，其他人叫我李sir，我而家喺港隊青年軍度教波。我今日只係順便跟埋山sir過嚟睇波，接住落嚟佢要講嘅嗰啲嘢完全唔關我事嘅。阿山。」

山sir接力說：「呢幾場比賽我哋東X青年隊嘅球探過嚟睇你比賽，覺得你潛質優厚，值得加入我哋青年軍。所以我決定親自過嚟睇一次你比賽，果然冇令我失望，你嘅指揮能力、反應喺呢個年紀都係一流，只要嚟我哋東方梯隊操練同埋打多啲比賽，第日肯定有潛質打職業聯賽，甚至大港腳！」

這套說詞完全把我嚇呆了。我說：「真...真係？」

山sir接著說：「不過我哋有條件。我都希望我哋冇睇錯人，所以接住落嚟你喺決賽嘅表現同埋結果將會係我哋決定簽唔簽你嘅重要因素。簡單啲嚟講，只要你贏咗決賽，我哋就會畀青年隊合約你。」