可唔可以做一對有緣無份嘅情侶？: 第6章 完結？

當我踏入富麗堂皇嘅大廳，兩邊嘅男僕同女僕用90度嘅鞠躬歡迎我同Kay

「大小姐！李先生！」

忽然一個着住燕尾服嘅男人行埋嚟同我握手

「歡迎呀李生！我係依到嘅管家，兩位主人已經係飯廳等緊你同小姐。禮物可以交比我。」

呀Kay拖住我一步一步慢慢行入飯廳，枱上有好多唔同嘅食物，如果係平時，我會立即食晒佢…………唉~今次仆街啦





「呀爸，呀媽，依個係我男朋友李伯岐！」

「世伯，伯母你好！」

「岐仔呀！開個價嚟呀！」

呀Kay聽完立即呆咗係到

「1億！」





「幾大口氣喎！」

「1億都比唔起，咪撚講話比錢我啦，你地班有錢佬，成日都狗眼看人低，我同你個女拍拖就係為錢？咪撚智障好唔好？」

「你睇吓你，你住邊？你咪又係屋村仔一個，你可以比d咩我個女？」

「無錯，我依家真係無咩比到呀Kay,但我係真心對呀Kay，並唔係為咗個幾個臭錢！」

呀Kay個老豆突然拍起手掌





「細佬，講得好！聽完你咁講，我都放心將呀Kay交比你。不過有條件，就係未大學畢業之前都唔準搵呀Kay，畢業後我個女會嫁比你,而且我會無條件供你去外國讀大學，而且你係唔可以拒絕，一拒絕就永遠唔可以同呀Kay見面，你接唔接受？」

我諗咗一陣，為咗可以見到呀Kay………唯有可以咁做

「我接受！」

「夠爽快，送客！」

忽然，2名大隻佬出現將我抬走
我就用埋我食奶嘅氣，大叫

「呀Kay,等我呀！我愛你」

「BB我會等你架！我都愛你」





………………………至從個次之後我都冇見過呀Kay，係學校我都冇再浪費時間，一直努力讀書，因為我相信我一定會見返呀Kay！！