可唔可以做一對有緣無份嘅情侶？: 第四章 再見

我地學校攪咗一個參觀，要去中環參觀孫中山博物管。我約咗成班friend去中環地鐵站等。

「屌！今日星期六都要去參觀！」

「屌…浪費我d時間！」

「你兩個收爹啦！」我忍唔住大叫

嗰2個仆街唔知係唔係比我嚇到痴撚咗線，之後都冇點講野。我地出咗地鐵站，慢慢行過去孫中山博物館，途中有好多人賣旗，不過我都冇買…………直到有一個着住白色校裙嘅學生妹走過嚟





「先生幫我買支旗呀！」

唉學生妹叫到，一定買嘅，不過都要望一望佢個樣，再諗吓捐幾多…………當我一抬起頭個，我就開始流馬尿，我諗都唔諗立即攬住咗佢

「呀Kay我終於搵到你！我好掛住你！」

「傻豬唔好喊啦……我一直都等緊你，因為我知道我地一定會見返！」

我兩個friend突然叫咗一聲





「大嫂！」

當然嚇親我同呀Kay，不過呀Kay終於比咗佢嘅電話號碼我，而且都應承咗做我女朋友，我開心到呢~嘴角含晒春